Dinamalar

பிளாஷ்பேக்: மகனுக்காக இயக்குனராக மாறிய நாகேஷ்

தமிழ் சினிமாவில் தவிர்க்க முடியாத ஆளுமை நாகேஷ். கதாநாயகன், காமெடியன், வில்லன், குணசித்ர நடிகன் என பன்முகம் கொண்டவர். சினிமா பற்றிய ஞானம் கொண்டவர். அப்படிப்பட்டவர் கே.பாலச்சந்தர் உள்ளிட்ட பலர் வற்புறுத்தியும் படம் எதையும் இயக்கவில்லை. "நான் ஜாலியான ஆளு, டைரக்ஷன் டென்ஷனான வேலை அது எனக்கு சரிப்பட்டு வராது" என்று கூறிவிடுவார்.

அப்படி இருந்தும் அவர் ஒரே ஒரு படத்தை இயக்கினார். அந்த படம் 'பார்த்த ஞாபகம் இல்லையோ'. இது அவர் தன் மகனுக்காக இயக்கியது. மகன் ஆனந்த் பாபு சினிமாவில் அறிமுமாகி மளமளவென பல படங்களில் நடித்தார். ஒரு கட்டத்தில் அவருக்கு வாய்ப்புகள் குறைந்தன. ஒரு வெற்றிப் படத்தின் மூலம் அவரை தூக்கி நிறுத்த வேண்டிய கடமை அப்பா நாகேஷிற்கு இருந்தது. அதனால் அவர் முதன் முறையாக இயக்குனராக மாறி இந்த படத்தை இயக்கினார்.

இந்த படத்தில் ஆனந்த் பாபுவுடன் ரம்யா கிருஷ்ணன், ராதாரவி, தேங்காய் சீனிவாசன், ஆர்.எஸ்.மனோகர் உள்பட பலர் நடித்திருந்தார்கள். இரட்டை சகோதரிகள் சிறு வயதிலேயே பிரிந்து விடுகிறார்கள். ஒருத்தி பணக்கார வீட்டிலும், இன்னொருத்தி ஏழை வீட்டிலும் வளர்க்கப்படுகிறார்கள். இருவரையும் வைத்து ஆள்மாறாட்ட கதையாக காமெடி கலந்து படம் உருவானது. ஆனால் படம் எதிர்பார்த்த வெற்றியை பெறவில்லை. நாகேசும் தொடர்ந்து படம் இயக்கவில்லை.

• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு

• 
  'டியூட்' மீது அதிக நம்பிக்கை வைத்துள்ள குழு
• 
  திருமணமா.. அப்படியே ஹனிமூனையும் சொல்லிடுங்க..!: திரிஷா கிண்டல்
• 
  புதுவை முதல்வருடன் தயாரிப்பாளர்கள் சந்திப்பு
• 
  போலி சாமியாராக நட்டி
• 
  ரஜினி பெயரில் புதிய படம்