Dinamalar

ரவி அரசு இயக்கத்தில் விஷால்?

விஷால் நடித்து இந்த ஆண்டில் வெளிவந்த 'மத கஜ ராஜா' படம் வெற்றிப் படமாக அமைந்தது. 12 வருடங்களுக்குப் பிறகு வெளிவந்த இப்படம் 50 கோடிக்கும் அதிகமாக வசூலித்து ஆச்சரியப்படுத்தியது. இப்படத்திற்குப் பிறகு விஷால் நடிக்கும் படங்கள் பற்றி தீவிரமான பேச்சுவார்த்தைகள் நடந்து வருகிறது.

'துப்பறிவாளன் 2', கவுதம் மேனன் இயக்கத்தில் ஒரு படம் என பேசி வருகிறார்கள். இவற்றோடு ரவி அரசு இயக்கத்தில் விஷால் நடிக்க உள்ள ஒரு படம் பற்றியும் பேச்சுவார்த்தை நடந்து வருகிறதாம்.

2015ல் வெளிவந்து வெற்றி பெற்ற 'ஈட்டி' படத்தின் மூலம் இயக்குனராக அறிமுகமானவர் ரவி அரசு. அடுத்து அவர் இயக்கிய 'ஐங்கரன்' படம் சில வருடங்கள் தாமதமாக வெளிவந்து வரவேற்பைப் பெறாமல் போனது. அடுத்து சிவராஜ்குமார் நடிக்கும் 'ஜாவா' என்ற கன்னடப் படத்தை இயக்க இருந்தார் ரவி அரசு. ஆனால், அந்தப் படத்தின் படப்பிடிப்பு இன்னும் ஆரம்பமாகவில்லை.

இதனிடையே, விஷால் நடிக்க ரவி அரசு இயக்க உள்ள படத்திற்கான பேச்சுவார்த்தை ஆரம்பமாகி உள்ளதாம். இப்படம் ஏறக்குறைய உறுதியாகிவிட்டதாகத் தகவல்.

• செய்திகள்
• ஆல்பம்
• வால் பேப்பர்கள்
• வந்த படங்கள்

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  ஜனநாயகன் முதல் காட்சி டிக்கெட் விலை எவ்வளவு : இதுதான் கோலிவுட்டில் ஹாட் ...
• 
  சரஸ்வதி பட படப்பிடிப்பை நிறைவு செய்த வரலட்சுமி
• 
  ஊட்டுகுளங்கரா பகவதி கோவிலில் அஜித் வழிபாடு
• 
  கண்ணீரை வரவழைத்தது : சிறை படத்தை பாராட்டிய இயக்குனர் ஷங்கர்
• 
  வடமாநில இளைஞரை வெட்டிய போதை ஆசாமிகள் : மாரி செல்வராஜ் கடும் கண்டனம்