Dinamalar

'ஸ்பிரிட்' துவங்குவதற்கு முன்பே பிரபாஸிடம் இயக்குனர் வைத்த அழுத்தமான கோரிக்கை

பாகுபலி படத்தின் வெற்றியை தொடர்ந்து நடிகர் பிரபாஸ், 'சாஹோ' என்ற படத்தில் நடித்தார், அந்த ஒரு படத்திற்காகவே கிட்டத்தட்ட இரண்டு வருடங்கள் ஒதுக்கி வேறு படங்களில் நடிக்காமல் இருந்தார். ஆனால் அந்த படம் எதிர்பார்த்த அளவு வரவேற்பு பெறவில்லை, அதேபோல அதற்கடுத்து மூன்று வருடம் கழித்து அவர் நடித்த 'ராதே ஷ்யாம்' படம் வெளியாகி அதுவும் தோல்வியை தழுவியது. இதனை தொடர்ந்து அந்த கொள்கையை தளர்த்திக் கொண்டு ஒரே நேரத்தில் இரண்டு மூன்று படங்களில் நடிப்பது என்கிற புதிய பாலிசியை உருவாக்கி நடித்து வருகிறார் பிரபாஸ்.

அந்த வகையில் தற்போது இயக்குனர் மாருதி இயக்கத்தில் காமெடி ஜானரில் உருவாகி வரும் ராஜா ஸாப் என்கிற படத்தில் நடித்துள்ளார் பிரபாஸ். இந்த படம் வரும் ஏப்ரல் மாதம் திரைக்கு வர இருக்கிறது. இன்னொரு பக்கம் ஹனுராகவ புடி இயக்கத்திலும் புதிய படத்தில் நடிக்க இருக்கிறார். இதற்கிடையே ஏற்கனவே அவரது நடிப்பில் வெளியான கல்கி மற்றும் சலார் படங்களின் இரண்டாம் பாகங்களிலும் அவர் அடுத்தடுத்து நடிக்க இருக்கிறார். இந்த நிலையில் தான் அர்ஜுன் ரெட்டி மற்றும் ஹிந்தியில் வெளியான அனிமல் உள்ளிட்ட ஹிட் படங்களை இயக்கிய சந்தீப் ரெட்டி வங்கா இயக்கத்தில் ஸ்பிரிட் படத்திலும் பிரபாஸ் நடிக்க இருக்கிறார் என்கிற அதிகாரப்பூர்வ அறிவிப்பும் ஏற்கனவே வெளியானது.

ஆனால் இயக்குனர் சந்தீப் ரெட்டி வங்கா தனது படத்தில் நடிகர் பிரபாஸ் ஒரு ஆஜானுபாகுவான கதாபாத்திரத்தில் நடிப்பது போன்று உருவாக்கி இருக்கிறாராம். அதனால் தொடர்ந்து அதே தோற்றத்தை மெயின்டைன் செய்தால் மட்டுமே படத்தில் அவரது தோற்ற வித்தியாசம் இல்லாமல் படமாக்க முடியும் என்பதால் ஸ்பிரிட் படத்திற்காக மொத்தமாக தேதிகளை ஒதுக்கி தருமாறு கேட்டுக் கொண்டுள்ளாராம். அதனால் பிரபாஸ் தனது மற்ற படங்களை முடித்துவிட்டு வரும் வரையிலும் காத்திருக்க தயார் என்றும் பிரபாஸிடம் கூறியுள்ளாராம் சந்தீப் ரெட்டி வங்கா.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு