மனைவியுடன் இணைந்து நடிப்பேன் : ஆதி

21 பிப், 2025 - 06:58 IST

0 கருத்துகள் கருத்தைப் பதிவு செய்ய

எழுத்தின் அளவு:

7ஜி நிறுவனம் சார்பில் சிவா தயாரிக்கும் படம் 'சப்தம்'. ஈரம் படத்தின் வெற்றிக்குப் பிறகு அறிவழகன், ஆதி கூட்டணியில் உருவாகியுள்ள படம். வருகிற 28ம் தேதி வெளியாகிறது. இப்படத்தில் ஆதி நாயகனாக நடிக்க லக்ஷ்மி மேனன் நாயகியாக நடித்துள்ளார். இவர்களுடன் சிம்ரன், லைலா, கிங்ஸ்லி ஆகியோர் நடித்துள்ளனர்.

படத்தின் டிரெய்லர் வெளியீட்டு விழா நடந்தது. இதில் ஆதி பேசியதாவது : என் நண்பர்களிடம் இந்தப்படம் பற்றி சொல்லும் போது ஏன் ஹாரர் எனக் கேட்பார்கள், ஹாரர் என்றாலே கொஞ்சம் கீழாக பார்க்கும் பார்வை இருக்கிறது. அப்போ ஈரமும் ஹாரர் தானே என்பேன், ஈரம் சூப்பராக இருக்கும் என்று பாராட்டுவார்கள். அது ஹாரரில் வித்தியாசமாக இருக்கும் என்று பாராட்டுவார்கள், அது தான் அறிவழகன் சார், அவர் இயக்கத்தில் ஈரம் மாதிரி இன்னொரு படம் கிடைக்குமா? என நினைத்துள்ளேன், அதை மீண்டும் அறிவழகன் எனக்குத் தந்துள்ளார்.

இந்தப்படத்தில் பாரா நார்மல் இன்வஸ்டிகேட்டராக நடித்துள்ளேன். இது முழுக்க முழுக்க இந்த டீமின் படம். அவர்கள் உழைப்பு தான் முழுப்படமும். ஹாலிவுட் படம் மாதிரி என அடிக்கடி சொல்வோம், ஆனால் இங்கு நம்ம சினிமாவை ஹாலிவுட்டை தாண்டிய தரத்தில் உருவாக்கியிருக்கும் படம் தான் சப்தம் என்றார்.

பின்னர் பத்திரிகையாளர்களின் கேள்விகளுக்கு பதில் அளித்தவர் விரைவில் மரகத நாணயம் படத்தின் இரண்டாம் பாகம் உருவாக இருப்பதாகவும் அதில் தனது மனைவி நிக்கி கல்ராணி தன்னுடன் இணைந்து நடிப்பதாகவும், இன்னொரு முன்னணி நடிகையும் நடிக்க இருப்பதாகவும் கூறினார்.

aadhi

nikkigalrani

கருத்துகள் (0) கருத்தைப் பதிவு செய்ய

தயாரிப்பாளர்களுக்கு அடுக்குமாடி ...

பிளாஷ்பேக் : காஷ்மீர் இயக்குனரின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய