Dinamalar

மருத்துவமனையில் சீரியஸான நிலையில் மஜா பட இயக்குனர்

தமிழில் 2005ல் விக்ரம், அசின் நடிப்பில் வெளியான மஜா திரைப்படத்தை இயக்கியவர் பிரபல மலையாள இயக்குனர் ஷபி. இவர் கடந்த சில நாட்களுக்கு முன்பு திடீரென ஏற்பட்ட பக்கவாதத்தால் பாதிக்கப்பட்டு மருத்துவமனையில் சிகிச்சைக்காக அனுமதிக்கப்பட்டார். ஆனால் கடந்த ஐந்து நாட்களுக்கு மேலாகவும் அவரது உடல் நிலையில் எந்தவித முன்னேற்றமும் இல்லை என்று சமீபத்தில் மருத்துவமனை அறிக்கை வெளியிட்டுள்ளது. இருந்தாலும் தொடர்ந்து மருத்துவக் குழுவினர் அவரது உடல் நிலையில் முன்னேற்றம் ஏற்படுமா என கண்காணித்து வருகின்றனர். அவருடைய இந்த நிலை மலையாள திரையுலகிலும் அவரது படங்களை விரும்பி ரசித்த ரசிகர்களிடமும் சோகத்தை ஏற்படுத்தியுள்ளது.

மலையாளத்தில் ஜனரஞ்சகமான கமர்சியலான அதேசமயம் தியேட்டருக்கு வரும் ரசிகர்களை படம் முழுக்க சிரித்து பொழுதுபோக்க வைத்து அனுப்பும் இயக்குனர்களில் ஷபிக்கும் ஒரு முக்கிய இடம் உண்டு. அப்படி மலையாளத்தில் 'கல்யாணராமன், மாயாவி, சாக்லேட், சட்டம்பி நாடு, 2 கண்ட்ரிஸ்' என பல ஹிட் படங்களை இயக்கியுள்ளார் ஷபி. பெரும்பாலும் மம்முட்டி, திலீப், பிரித்விராஜ் நடித்த படங்களையே இவர் அதிகம் இயக்கியுள்ளார். இவர் நல்லபடியாக குணமடைந்து திரும்பி வர வேண்டுமென ரசிகர்கள் பிரார்த்தித்து வருகின்றனர்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்