Dinamalar

பான் இந்தியா படமாக வெளியாகும் 'அகத்தியா'

வேல்ஸ் பிலிம் இன்டர்நேஷனல் சார்பில் ஐசரி கணேஷ் மற்றும் வைட் ஆங்கிள் மீடியா பிரைவேட் லிமிடெட், அனீஷ் அர்ஜுன் தேவின் வாமிண்டியா நிறுவனங்கள் இணைந்து தயாரித்துள்ள படம் 'அகத்தியா'. பாடலாசிரியார் பா.விஜய் எழுதி, இயக்கி உள்ளார். இதில் ஜீவா, அர்ஜூன், ராஷி கண்ணா உள்பட பலர் நடித்துள்ளனர். யுவன் சங்கர் ராஜா இசை அமைத்துள்ளார்.

1940களில் வாழ்ந்த இந்திய விஞ்ஞானி ஒருவர் ஒரு உயர்ந்த கண்டுபிடிப்பை நிகழ்த்துகிறார். இந்த கண்டுபிடிப்பு வெளியில் வந்தால் இந்தியர்களின் மதிப்பு உயர்ந்து விடும் என்று கருதும் ஆங்கிலேய அரசு அந்த விஞ்ஞானியை குடும்பத்தோடு அழித்து விடுகிறது. ஆனாலும் அந்த விஞ்ஞானி அந்த கண்டுபிடிப்பு ரகசியத்தை ஒரு இடத்தில் மறைத்து வைத்துள்ளார். அதனை 2024ல் வாழும் ஒரு பத்திரிகையாளர் எப்படி கண்டு பிடிக்கிறார் என்பதுதான் கதை.

பேண்டஸி ஹாரர் திரில்லர் வகை கதை. இதில் விஞ்ஞானியாக அர்ஜூனும், இளைஞனாக ஜீவாவும் நடித்திருக்கிறார்கள். வரும் ஜனவரி 31ம் தேதி அன்று தமிழ், தெலுங்கு, ஹிந்தி மொழிகளில் வெளியாகவுள்ளது.

படம் குறித்து ஜீவா கூறும்போது "ஒரு பேண்டஸி ஹாரர் த்ரில்லரில் பணிபுரிவது முற்றிலும் புதிய அனுபவம். கதை, காட்சிகள், என நிஜ வாழ்வைத் தாண்டி விரியும் பிரம்மாண்ட உலகம் என்பது மிக மிகப் புதிதானது. பிரமிக்க வைக்கும் இந்த உலகத்தை உருவாக்கியதற்காகக் கலை இயக்குநரையும், ஒளிப்பதிவாளரையும் கண்டிப்பாகப் பாராட்ட வேண்டும். பா.விஜய் கதையைச் சொன்னபோது, இந்த தலைசிறந்த படைப்பின் ஒரு பகுதியாக இருக்க வேண்டுமென விரும்பி உடனே ஒப்புக்கொண்டேன். இப்படம் கண்டிப்பாக மிகப் புதிதான உலகிற்குள் அழைத்துச் செல்லும்.” என்றார்.

• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...
• 
  சர்ச்சைக்குரிய காட்சிகளை நீக்க தணிக்கை வாரியம் உத்தரவு: ‛பூலே' ...

• 
  கூலி படத்தில் ரஜினி உடன் நடித்தது ஸ்பெஷலான அனுபவம் : பூஜா ஹெக்டே
• 
  அரசியலுக்கு வர வாய்ப்புள்ளதா? : ரவி மோகன் கொடுத்த பதில்
• 
  விஜய் சேதுபதி படத்தில் ராதிகா ஆப்தே?
• 
  பாங்காக் பறந்த இட்லி கடை படக்குழு
• 
  மீரா ஜாஸ்மின் பெயர் என் காதுகளில் ஒலிக்காத நாளே இல்லை ; சிலாகித்த நயன்தாரா