Dinamalar

'கங்குவா' இரைச்சல் சத்தம், ரசூல் பூக்குட்டி 'கமெண்ட்'

'ஸ்லம்டாக் மில்லியனர்' படத்திற்காக 'சிறந்த சவுண்ட் மிக்சிங்' ஆஸ்கர் விருது, 'பழசிராஜா' மற்றும் 'ஒத்த செருப்பு சைஸ் 7' ஆகிய படங்களுக்காக சிறந்த ஆடியோகிராபி தேசிய விருதுகள், ஆகியவற்றைப் பெற்றவர் சவுண்ட் டிசைனர் ரசூல் பூக்குட்டி. தமிழில், “எந்திரன், கோச்சடையான், ரெமோ, 2.0, ஒத்த செருப்பு சைஸ் 7,' உள்ளிட்ட படங்கள் தெலுங்கு, ஹிந்தி, மலையாளம், கன்னடம் ஆகிய மொழிகளில் பணியாற்றி வருபவர் ரசூல் பூக்குட்டி.

சூர்யா நடிப்பில் நேற்று வெளியான 'கங்குவா' படம் பற்றிய அவரது பதிவு ஒன்றை, படத்தின் விமர்சனக் கருத்து அடங்கிய புகைப்படம் ஒன்றுடன் சமூக வலைதளத்தில் பதிவிட்டுள்ளார். “என்னுடைய நண்பர், ரீ ரிக்கார்டிங் மிக்சர் இந்த கிளிப்பை எனக்கு அனுப்பினார். நமது பிரபலமான படங்களில் ஒலி பற்றிய இது போன்ற விமர்சனத்தைப் பார்ப்பது மன வருத்தமாக இருக்கிறது. எங்கள் கைவினைத் திறனும், கலைத் திறனும் உரத்தப் போரில் சிக்கிக் கொண்டது யார் குற்றம்? சவுண்ட் அமைப்பைச் செய்தவருடையதா? அனைத்து பாதுகாப்பில்லாத தன்மையைப் போக்க கடைசி நேரத்தில் எண்ணற்ற திருத்தங்கள் வருகின்றன. எங்களது கலைஞர்கள் பல சமயங்கள் உங்கள் கால்களில் விழுந்து எல்லாவற்றையும் சத்தமாகவும், தெளிவாகவும் சொல்கிறார்கள். தலைவலியுடன் ரசிகர்கள் ஒரு படத்தை விட்டு வெளியேறும் போது அந்தப் படத்திற்கு ரிபீட் மதிப்பு திரும்ப கிடைக்காது,” என வருத்தத்துடன் பதிவு செய்துள்ளார்.

'கங்குவா' படத்தைப் பார்த்த விமர்சகர்கள், எண்ணற்ற ரசிகர்கள் சொல்லும் முக்கிய குறை படத்தின் சத்தம், இரைச்சல். ஆரம்பம் முதல் கடைசி வரை கதாபாத்திரங்கள் பேசுவதை விட கத்திக் கொண்டே இருப்பதும், பின்னணி இசை அதிக ஒலியுடன், இரைச்சலாக இருப்பதுமே இந்தப் படத்தின் முக்கியமான நெகட்டிவ் அம்சமாக உள்ளது. அதை உடனடியாகத் திருத்தினால் மட்டுமே ரசிகர்கள் அச்சமில்லாமல் வந்து பார்க்க வாய்ப்பாக இருக்கும்.

• செய்திகள்
• வந்த படங்கள்

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து

• 
  சோசியல் மீடியாவில் விமர்சித்த ரசிகர்களுக்கு திரிஷா கொடுத்த கமெண்ட்!
• 
  வேறு வழியின்றி விஜய் படத்தை இயக்கினேன் ; தங்கர் பச்சான் மகன் பட விழாவில் ...
• 
  அஜித் குறித்து நெகிழ்ச்சி பதிவிட்ட பிரியா பிரகாஷ் வாரியர்
• 
  'மதராஸி' படத்தின் ரிலீஸ் தேதி குறித்து புதிய அப்டேட்!
• 
  ராகவா லாரன்ஸின் 'காஞ்சனா 4, பென்ஸ்' படங்களின் நிலவரம் என்ன?