Dinamalar

யஷ் படத்தின் சண்டைக்காட்சிக்காக மும்பை வந்த ஹாலிவுட் ஆக்சன் டைரக்டர்

கே ஜி எப் படத்தின் இரண்டு பாகங்களின் தொடர் வெற்றியை தொடர்ந்து ஒரு சிறிய இடைவெளிக்கு பிறகு தற்போது ‛டாக்ஸிக்' என்கிற படத்தில் நடித்து வருகிறார் நடிகர் யஷ். தேசிய விருது பெற்ற இயக்குனரும் நடிகையுமான கீத்து மோகன் தாஸ் இந்த படத்தை இயக்குகிறார். அவர் வழக்கம்போல தனது பாணியில் கலைப்படமோ அல்லது விருது படமோ எடுப்பார் என எதிர்பார்த்தால் அதற்கு முற்றிலும் மாறாக முழு நீள ஆக்சன் படமாக இதை உருவாக்க இருக்கிறார்.

அதற்கேற்றார் போல் யஷ் ரசிகர்களை திருப்திப்படுத்தும் விதமாக அதிக அளவில் சண்டைக் காட்சிகளும் இந்த படத்தில் இடம்பெறுகின்றன. தற்போது இந்த படத்தின் சண்டைக் காட்சி ஒன்று மும்பையில் படமாக்கப்பட்டு வருகிறது. இதை படமாக்குவதற்காக ஹாலிவுட்டில் புகழ் பெற்ற ஆக்சன் டைரக்டரான ஜேஜே பெரி என்பவர் மும்பை வந்துள்ளார். இவர் எக்ஸ்பென்டபிள்ஸ் 3, ஸ்பை, ஸ்கை கிராப்பர் உள்ளிட்ட பல படங்களில் வியக்க வைக்கும் சண்டைக் காட்சிகளை வடிவமைத்தவர் என்பது குறிப்பிடத்தக்கது.

• செய்திகள்