Dinamalar

சூப்பர் ஸ்டார் அவர் ஒருவர் தான் : பாலிவுட் பிரஸ்மீட்டில் பவ்யம் காட்டிய சூர்யா

சூர்யா நடிப்பில் இயக்குனர் சிவா இயக்கத்தில் உருவாகியுள்ள கங்குவா திரைப்படம் ரிலீஸை நோக்கி வேகம் எடுத்துள்ளது. திஷா பதானி கதாநாயகியாக நடித்துள்ள இந்த படத்தில் வில்லனாக பாலிவுட் நடிகர் பாபி தியோல் நடித்துள்ளார். இந்த படம் பான் இந்தியா ரிலீஸ் ஆக வெளியாக இருக்கிறது. இதனை தொடர்ந்து இந்த படத்தின் புரமோஷன் நிகழ்ச்சிகள் தற்போது துவங்கியுள்ளன. அந்த வகையில் மும்பை சென்ற கங்குவா படக்குழு அங்கே புரமோஷன் நிகழ்ச்சியில் கலந்து கொண்டனர்.

பொதுவாகவே இதுபோன்ற நிகழ்ச்சிகளை தொகுத்து வழங்கும் தொகுப்பாளர்கள் சம்பந்தப்பட்ட ஹீரோக்களை குஷிப்படுத்த வேண்டும் என்பதற்காக அவர்களை சூப்பர் ஸ்டார் என்று அழைப்பதுண்டு. அப்படி இந்த நிகழ்ச்சியை தொகுத்து வழங்கிய தொகுப்பாளரும் சூர்யாவை சூப்பர் ஸ்டார் என்று அழைத்தார். ஆனால் உடனடியாக எழுந்த சூர்யா, “சூப்பர் ஸ்டார் என்றால் அது ஒரே ஒருவர் மட்டுமே. அது எப்போதுமே ரஜினிகாந்த் தான். ஒருவருடைய பட்டத்தை எடுத்து நாம் பேட்ச் ஆக குத்திக்கொள்ளக் கூடாது” என்று கூறி தனது மறுப்பை உடனடியாக வெளிப்படுத்தினார். இந்த வீடியோ தற்போது வைரலாகி வருகிறது

சூப்பர் ஸ்டார் என்று அழைக்கப்படுவது தென்னிந்திய சினிமாவைப் பொறுத்தவரை நடிகர் ரஜினிகாந்த் ஒருவர் மட்டுமே. ஆனால் கடந்த சில வருடங்களாகவே சூப்பர் ஸ்டார் பட்டம் யாருக்கு என்கிற சர்ச்சை அதிக அளவில் சுழன்றடித்தது. குறிப்பாக வாரிசு படத்தின் இசை வெளியீட்டு விழாவில் பேசிய சரத்குமார், நடிகர் விஜய் தான் அடுத்த சூப்பர் ஸ்டார் என்று அழைத்தார். ஆனால் அப்போது விஜய் அதுபற்றி மறுத்து பேசாமல் அமைதி காத்தார். அது பல மாதங்களுக்கு சர்ச்சையாக ஓடியது. இந்த நிலையில் ரஜினி ரசிகர்கள் சூர்யாவின் இந்த பேச்சு குறித்த வீடியோவை சோசியல் மீடியாவில் அதிகம் பரப்பி வருவதுடன் வாரிசு பட விழாவின் போது விஜய்யும் இப்படி கூறியிருந்தால் அவரது மதிப்பு இன்னும் உயர்ந்திருக்கும் என்றும் தங்களது விமர்சனங்களை பதிவிட்டு வருகின்றனர்.

• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...
• 
  சிக்கந்தர் - மோசமில்லாத முதல் நாள் வசூல்
• 
  ஷங்கர் அடுத்து 'அவுட்டேட்டட்' பட்டியலில் இணைந்த ஏஆர் முருகதாஸ்

• 
  ஜி.பி.பிரகாசுக்கு கை கொடுக்குமா 'பிளாக்மெயில்'?
• 
  'எம்புரான்' படத்தை எதிர்த்து தமிழ்நாட்டு விவசாயிகள் போராட்டம்
• 
  குட் பேட் அக்லி ஓடிடி வெளியாகும் தேதி
• 
  வெளிவரும் முன்பே வெற்றிக்கு வழிவகுத்த "கேங்கர்ஸ்"
• 
  திரைப்பட விழாவில் 'சந்தோஷ்': மத்திய அரசு அனுமதிக்குமா?