Dinamalar

கொரியன் படத்துக்கு இவ்வளவு கூட்டமா?

பெண்கள், டிவி சீரியல்கள் பக்கமும், ஆண்கள் ஓடிடி பக்கமும் மாறிவிட தியேட்டர்கள் பக்கம் வந்து தமிழ் சினிமாவைத் தற்போது காப்பாற்றிக் கொண்டிருப்பவர்கள் இளம் ரசிகர்கள் மட்டுமே என்றுதான் சொல்ல வேண்டும். இன்று காலை சென்னையில் உள்ள பிரபல மல்டிபிளக்ஸ் தியேட்டர் ஒன்றில், ஜெயம் ரவி, பிரியங்கா மோகன் நடித்த 'பிரதர்' படத்தின் இசை வெளியீட்டு விழா நடந்தது.

நிகழ்ச்சி முடிவதற்கு முன்பாகவே காலை காட்சிக்கான ரசிகர்கள் கூட்டம் தியேட்டர் வாசலை ஆக்கிரமித்திருந்தது. கல்லூரிப் பெண்களும், ஆண்களுமாக இளம் ரசிகர்கள் இவ்வளவு பேரைப் பார்த்தது ஆச்சரியமாக இருந்தது. நேற்று வெளியான புதிய படங்களில் ஒன்றைப் பார்க்க இவ்வளவு ஆர்வமாக இருக்கிறார்களே என்று ஆச்சரியப்பட வைத்தது.

சரி, விசாரித்துப் பார்ப்போமே என்று அந்த ரசிகர்களிடம் கேட்டால், அனைவரும் கொரியன் படத்தைப் பார்க்க வந்துள்ளோம் என்றார்கள். அது அதிர்ச்சியாகவும், ஆச்சரியமாகவும் இருந்தது. சமீப காலங்களில் கொரியன் படத்தைப் பார்க்க இளம் ரசிகர்கள் அவ்வளவு ஆர்வமாக இருக்கிறார்கள் என்ற தகவலும் கிடைத்தது.

'ஜங் குக் - ஐயம் ஸ்டில்' என்ற கொரியன் படத்தைப் பார்க்கத்தான் அவ்வளவு பேர் கூடியிருக்கிறார்கள். சென்னையில் சில மல்டிபிளக்ஸ் தியேட்டர்களில் வெளியாகியுள்ள இத்திரைப்படம் இன்றும், நாளையும் ஏறக்குறைய ஹவுஸ்புல் ஆகியுள்ளது.

தென் கொரியாவின் 'பிடிஎஸ்' ஆண்கள் இசைக்குழுவைச் சேர்ந்த ஜங் குக் நடித்துள்ள படம் இது. அவரைப் பற்றிய ஒரு டாகுமென்டரி படமாக உருவாகியுள்ள இப்படத்தைப் பார்க்கத்தான் நமது ரசிகர்கள் இவ்வளவு ஆர்வமாக வந்துள்ளனர்.

• 
  மன்னிக்க முடியாதது : ஹேமமாலினி கோபம்
• 
  தீவிர மருத்துவ சிகிச்சையில் நடிகர் தர்மேந்திரா : உடல்நிலையில் ...
• 
  ஷாரூக்கானின் கிங் படத்தில் இணைந்த ஹாலிவுட் ஸ்டன்ட் மாஸ்டர்கள்
• 
  நகை கடத்தல் நடிகையின் கூட்டாளி நடிகருக்கு சிறையில் சொகுசு வசதி ; வெளியான ...
• 
  இரண்டு கைகளிலும் கடிகாரம் அணிவது ஏன் ? ; அபிஷேக் பச்சனின் அடடே விளக்கம்

• 
  தோட்டா தரணிக்கு செவாலியே விருது
• 
  மீண்டும் ரஜினியை இயக்குவது போன்று கமலையும் இயக்குவீர்களா? சுந்தர்.சி ...
• 
  நடிகர் அஜித் வீட்டிற்கு வெடிகுண்டு மிரட்டல்
• 
  ‛இன்று போய் நாளை வா' : கே.பாக்யராஜ் சொன்ன பிளாஷ்பேக்
• 
  ராஜமவுலி படத்தில் ஸ்ருதிஹாசன் பாடிய பாடல் வெளியீடு