Dinamalar

தீபாவளிக்கு திரைக்கு வரும் அஜித்தின் விடாமுயற்சி!

மகிழ் திருமேனி இயக்கத்தில் அஜித், அர்ஜுன், ஆரவ், திரிஷா, ரெஜினா உள்ளிட்ட பலரது நடிப்பில் உருவாகி உள்ள படம் விடாமுயற்சி. இந்த படத்தின் படப்பிடிப்பு அஜர்பைஜானில் நடைபெற்று வந்த நிலையில் கடைசி கட்ட படப்பிடிப்புக்கு முன்பு பல மாதங்களாக படப்பிடிப்பு நிறுத்தி வைக்கப்பட்டது. இந்த நிலையில் தற்போது இறுதி கட்ட படப்பிடிப்பு முடிவடைந்து விட்ட நிலையில், அடுத்து ஒரே ஒரு பாடல் மட்டும் படமாக உள்ளதாம். அந்த பாடலை ஸ்பெயின் நாட்டுக்கு சென்று படமாக்க திட்டமிட்டுள்ளார்கள்.

மேலும் தற்போது இந்த படத்தின் இறுதி கட்டப் பணிகள் நடைபெற்று வரும் நிலையில், ஏற்கனவே திட்டமிட்டபடி இப்படத்தை தீபாவளிக்கு வெளியிடுவதற்கு முடிவு செய்து இருப்பதாக தகவல்கள் வெளியாகி உள்ளன. இது குறித்த அறிவிப்பு விரைவில் வெளியாகும் என்றும் கூறுகிறார்கள். ஆனால் சிவகார்த்திகேயன் நடித்துள்ள அமரன், ஜெயம் ரவியின் பிரதர், கவின் நடித்த பிளடி பெக்கர் போன்ற படங்கள் தீபாவளிக்கு வெளியாகும் என்று அறிவிக்கப்பட்டுள்ளது. இந்த நேரத்தில் தீபாவளிக்கு அஜித்தின் விடாமுயற்சி வெளியாவது உறுதி செய்யப்பட்டால், தீபாவளி ரேஸில் இருந்து ஓரிரு படங்கள் பின்வாங்க வாய்ப்பிருப்பதாக கூறப்படுகிறது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  ஹாலிவுட் படத்தில் அறிமுகமாகும் ஜிவி பிரகாஷ், யோகிபாபு
• 
  சிவகார்த்திகேயனை கவுரவித்த ராணுவ பயிற்சி மையம்!
• 
  சூர்யா 44வது படத்தின் டைட்டில் 'கல்ட்'
• 
  உதயநிதிக்கு பிறந்தநாள் வாழ்த்து தெரிவித்த அஜித்குமார்
• 
  வைரலாகும் சித்தார்த் - அதிதி ராவ் திருமண புகைப்படங்கள்