Dinamalar

கமல்ஹாசன் இடத்தை நிரப்புவாரா விஜய் சேதுபதி?

பிக் பாஸ் சீசன் 8 நிகழ்ச்சியின் புதிய தொகுப்பாளராக நடிகர் விஜய் சேதுபதி அறிவிக்கப்பட்டு சில நாட்கள் ஆகிவிட்டது. இந்த சீசனின் போட்டியாளர்கள் யார் யார் என்பதை முடிவு செய்தும் விட்டார்கள் என்ற தகவலும் வெளியாக உள்ளது. அது பற்றிய விவரங்கள் வரும் நாட்களில் வெளியில் 'லீக்' ஆகலாம்.

இதனிடையே, கமல்ஹாசன் கடந்த ஏழு சீசன்களாக இந்த நிகழ்ச்சியை தாக்குப் பிடிக்க வைத்ததில் முக்கிய பங்காற்றினார் என்பதும் மறுப்பதற்கில்லை. அவருக்காகவே நிகழ்ச்சியைப் பார்த்தவர்களும் உண்டு. பிக் பாஸ் வீட்டிற்குள் இருக்கும் போட்டியாளர்கள் செய்த விஷயங்களை சரியான கோணத்தில் அணுகினார் என்ற பாராட்டும் அவருக்கு இருந்தது. அவருடைய வயது, அனுபவம், பேச்சுத் திறமை, அணுகுமுறை ஆகியவற்றால் அந்த 'தொகுப்பாளர்' என்ற ஏறக்குறைய நிஜ கதாபாத்திரத்தை சரியாகவே செய்திருந்தார்.

அந்த இடத்தில் தற்போது விஜய் சேதுபதி பொருத்தமாக நடந்து கொள்வாரா என்ற கேள்வியும், சந்தேகமும் தற்போது எழுந்துள்ளது. சிறந்த நடிகர், யதார்த்த மனிதர் என்ற அடையாளம் மட்டுமே விஜய் சேதுபதிக்கு உள்ளது. அனுபவம், பேச்சுத் திறமை, அணுகுமுறை ஆகியவை இந்த பிக் பாஸ் 'தொகுப்பாளர்' கதாபாத்திரத்தில் அவரிடமிருந்து எப்படி வெளிப்படும் என்பதைப் பார்க்க ரசிகர்கள் ஆவலாக இருக்கிறார்கள்.

இதற்கு முன்பு 'நம்ம ஊரு ஹீரோ, மாஸ்டர் செப் இந்தியா - தமிழ் சீசன் 1' ஆகிய நிகழ்ச்சிகளைத் தொகுத்து வழங்கியுள்ளார் விஜய் சேதுபதி. அவற்றிற்கு குறிப்பிடும்படியான பெரிய வரவேற்பு அமையவில்லை. அதை மாற்றி டிவி தொகுப்பாளராக முத்திரை பதிப்பாரா என்பதைப் பொறுத்திருந்து பார்ப்போம்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  ரஜினியை தொடர்ந்து ஜூனியர் என்டிஆரை இயக்கும் நெல்சன்
• 
  23 ஆண்டுகளுக்குப் பிறகு மீண்டும் ஹரி இயக்கத்தில் நடிக்கும் பிரசாந்த்
• 
  பார்க்கிங் மோதல் விவகாரம் : தர்ஷனுக்கு ஆதரவாக குரல் கொடுத்த சனம் ஷெட்டி!
• 
  'இட்லி கடை' தள்ளிப் போக இதுதான் காரணமா ?
• 
  பிருத்விராஜிற்கு வருமான வரித்துறை நோட்டீஸ்