Dinamalar

திரைப்படமாக உருவாகும் யுவராஜ் சிங் வாழ்க்கை வரலாறு

கிரிக்கெட் வீரர்களின் வாழ்க்கை வரலாற்றை திரைப்படமாக உருவாகும் வழக்கம் தற்போது அதிகமாகி வருகிறது. ஏற்கனவே எம். எஸ்.தோனி, சச்சின் ஆகிய கிரிக்கெட் வீரர்களின் வாழ்க்கை வரலாறு படங்கள் வெளியாகி வரவேற்பைப் பெற்றது.

இந்த வரிசையில் தற்போது முன்னாள் இந்திய கிரிக்கெட் வீரர் யுவராஜ் சிங்கின் வாழ்க்கை வரலாற்றை திரைப்படமாக உருவாக உள்ளதாக அறிவித்துள்ளனர். இந்த படத்தின் இயக்குனர் மற்றும் தலைப்பு குறித்த மற்ற அறிவிப்பு விரைவில் வெளியாகும் என்கிறார்கள். 2011ம் ஆண்டு இந்தியா உலகக்கோப்பை வென்றதற்கு யுவராஜ் சிங் சிறப்பான ஆட்டமும் காரணம்.

இப்போது பாலிவுட்டில் டி சீரியஸ் நிறுவனம் தயாரிப்பில் யுவராஜ் சிங் வாழ்க்கை வரலாறு படமாக உருவாகிறது. இந்த நிகழ்வில் பேசிய யுவராஜ் சிங் கூறுகையில், " பூஷண் மற்றும் ரவி ஆகிய இரண்டு தயாரிப்பாளர்கள் மூலம் உலகளவில் உள்ள கோடிக்கணக்கான ரசிகர்களுக்கு என் கதையை வெளிப்படுத்துவதில் நான் மிகவும் பெருமைப்படுகிறேன். என் வாழ்வின் எல்லா உயர்வு தாழ்விலும் கிரிக்கெட் எனக்கு மிகப்பெரிய பலமாகவும், நான் நேசிக்கும் ஒன்றாகவும் இருந்துள்ளது. மற்றவர்கள் தங்கள் போராட்டங்களை சமாளித்து மீண்டு எழவும், அசைக்க முடியாத கனவுகளை ஆர்வத்துடன் பின்தொடரவும் இந்தப் படம் ஊக்குவிக்கும் என நம்புகிறேன்” என தெரிவித்துள்ளார்.

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  மீண்டும் காதல் கிசுகிசுவில் சிக்கிய தனுஷ்
• 
  அமெரிக்க முன்பதிவு : 'வார் 2'ஐ பின்னுக்குத் தள்ளி முந்தும் 'கூலி'
• 
  கமல் தயாரிப்பில் அண்ணன், தம்பி நடிப்பார்களா?
• 
  ரசிகர்களுடன் போட்டோ, விருந்து : தனுஷ் மாறியது ஏன்
• 
  மாளவிகா மோகனனின் பிறந்தநாளுக்கு போஸ்டர் வெளியிட்டு அசத்திய மும்மொழி பட ...