Dinamalar

'புஷ்பா 2' வெளியீடு : மீண்டும் தள்ளிப் போகுமா ?

சுகுமார் இயக்கத்தில், தேவிஸ்ரீ பிரசாத் இசையமைப்பில், அல்லு அர்ஜூன், பஹத் பாசில், ராஷ்மிகா மந்தனா மற்றும் பலர் நடிப்பில் உருவாகி வரும் படம் 'புஷ்பா 2'. இப்படத்தின் படப்பிடிப்பு கடந்த 2023ம் வருடம் ஜனவரி மாதத்திலிருந்து நடந்து வருகிறது. அவ்வப்போது சில இடைவெளிகளால் படப்பிடிப்பு தடைபட்டு இன்னமும் முடிக்கப்படாமல் உள்ளது.

இரண்டாம் பாகத்தின் வெளியீட்டை ஆகஸ்ட் 15ம் தேதி வெளியிடுவதாக முதலில் அறிவித்திருந்தார்கள். திட்டமிட்டபடி வேலைகள் முடியாது என்பது தெரிய வந்ததால் படத்தை டிசம்பர் 6ல் வெளியிடுகிறோம் என அறிவித்தார்கள். ஆனால், தற்போது அந்தத் தேதியிலும் படம் வெளியாகுமா என்பது சந்தேகமாக உள்ளது என டோலிவுட் வட்டாரங்கள் தெரிவிக்கின்றன.

தெலுங்கு சினிமாவின் மூத்த காமெடி நடிகரான பிரம்மானந்தம், அவருடைய மகன் ராஜா கவுதம் ஆகியோர் நடிக்கும் 'பிரம்ம ஆனந்தம்' படத்தை டிசம்பர் 6ம் தேதி வெளியிடுவதாக அறிவித்துள்ளனர். விஷ்ணு மஞ்சு, மோகன்லால், மோகன் பாபு, சரத்குமார், மதுபாலா மற்றும் பலர் நடிக்கும் சரித்திரப் படமான 'கண்ணப்பா' படம் டிசம்பர் 6ல் வெளியாகலாம் என்றும் சொல்கிறார்கள். லஷ்மண் உடேகர் இயக்கத்தில், ஏஆர் ரஹ்மான் இசையில் விக்கி கவுஷல், ராஷ்மிகா மந்தனா, அக்ஷய்குமார் நடிக்கும் சரித்திர கால ஹிந்திப் படமான 'சாவா' படம் டிசம்பர் 6ல் வெளியாகும் என்று தற்போது அறிவித்துள்ளார்கள்.

'புஷ்பா 2' படத்தை பான் இந்தியா படமாக வெளியிட உள்ள நிலையில் தற்போது ஹிந்தியில் 'சாவா' பட வெளியீட்டை அறிவித்துள்ளதால் 'புஷ்பா 2' படம் அன்றைய தேதியில் வெளியாகுமா என்ற சந்தேகம் அதிகமாகி உள்ளது. அப்படம் வர வாய்ப்பில்லை என்று தெரிந்த பின்தான் இப்படியான அறிவிப்புகள் வெளியாகிறது என்கிறார்கள்.

• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?
• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி

• 
  காதலருடன் தீபாவளி கொண்டாடிய சமந்தா
• 
  ரூ.66 கோடி வசூலித்த ‛டியூட்' : 'ஹாட்ரிக்' 100 கோடியில் பிரதீப் ரங்கநாதன்
• 
  கர்நாடகாவில் 200 கோடி வசூல் சாதனையில் 'காந்தாரா சாப்டர் 1'
• 
  அடுத்த சிம்பொனி: இளையராஜா அறிவிப்பு
• 
  'மகுடம்' படத்தின் இயக்குனர் ஆனார் விஷால்; அவரே அதிகாரப்பூர்வமாக ...