Dinamalar

'தி கோட்' படத்தின் 'அப்படி போடு' ரகசியம்

விஜய், பிரசாந்த், பிரபுதேவா, மீனாட்சி சவுத்ரி மற்றும் பலர் நடிப்பில் யுவன் இசையில் வெங்கட் பிரபு இயக்கத்தில் உருவாகியுள்ள 'தி கோட்' படம் செப்டம்பர் 5ம் தேதி வெளியாக உள்ளது.

இப்படத்தின் மூன்று பாடல்களும், டிரைலரும் இதுவரை வெளியாகி உள்ளது. இசை வெளியீட்டு விழா நடக்குமா நடக்காதா என்பது சில நாட்களில் தெரிந்துவிடும். இதனிடையே, மறைந்த நடிகர் விஜயகாந்தின் வீட்டிற்குச் விஜய் மற்றும் படத்தின் இயக்குனர் வெங்கட் பிரபு, தயாரிப்பாளர் அர்ச்சனா கல்பாத்தி ஆகியோர் சென்றனர். மரியாதை நிமித்தமாக இந்த சந்திப்பு நடந்தது என பிரேமலதா விஜயகாந்த் தெரிவித்திருந்தார்.

'தி கோட்' படத்தில் விஜயகாந்த்தை 'ஏஐ' தொழில்நுட்பம் மூலம் உருவாக்கி நடிக்க வைத்துள்ளனர். அதற்கு சம்மதித்த அவரது குடும்பத்தினருக்கு நன்றி தெரிவிக்கவே இந்த சந்திப்பு நடந்துள்ளதாகத் தெரிகிறது. இந்த ரகசியம் படம் வெளிவரும் வரை அறிவிக்கப்படுமா அல்லது தனி அறிவிப்பு வெளியாகுமா என்பது இனிமேல்தான் தெரியும்.

படத்தில் மற்றுமொரு ரகசியம் இருக்கிறது என்கிறார்கள். ஒரு பாடல் காட்சியில் த்ரிஷா நடித்திருக்கிறாராம். விஜய், த்ரிஷா இருவரும் இணைந்து ஒரு அதிரடிப் பாடலுக்கு நடனமாடியிருப்பதாகத் தகவல். 'கில்லி' படத்தில் இடம் பெற்ற சூப்பர் ஹிட் பாடலான 'அப்படிப் போடு' பாடல் போலவே அந்தப் பாடலும் அதிரடி நடனத்துடன் இருக்கும் என்கிறார்கள். அது பற்றிய அறிவிப்பும் படத்தின் வெளியீட்டிற்கு முன்பாக வெளியாக வாய்ப்புள்ளது என்பது ஒரு ரகசியத் தகவல்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு