Dinamalar

நடிப்பு குறித்து கிண்டலடித்த ரசிகைக்கு காட்டமாக பதில் அளித்த மாளவிகா மோகனன்

மலையாளத்தில் துல்கர் சல்மான் நடித்த பட்டம் போலே என்கிற படத்தில் கதாநாயகியாக அறிமுகமானவர் நடிகை மாளவிகா மோகனன். பிரபல ஒளிப்பதிவாளர் கே.யு மோகனின் மகளான இவர், தமிழில் ரஜினிகாந்த் நடித்த பேட்ட படத்தின் மூலம் அறிமுகமாகி முதல் படத்திலேயே ரசிகர்களிடம் வரவேற்பு பெற்றார். தொடர்ந்து விஜய்யுடன் மாஸ்டர், தனுஷுடன் மாறன் ஆகிய படங்களில் நடித்த இவர் தற்போது பா ரஞ்சித் இயக்கத்தில் விக்ரம் நடித்துள்ள தங்கலான் படத்தில் இரண்டு கதாநாயகிகளில் ஒருவராக நடித்துள்ளார்.

இந்த படம் விரைவில் வெளியாக உள்ள நிலையில் சோசியல் மீடியாவில் அவ்வப்போது ரசிகர்களுடன் கலந்துரையாடி படத்தையும் தன்னையும் புரமோட் செய்து வருகிறார் மாளவிகா மோகனன். இந்த நிலையில் நேற்று வழக்கம்போல ரசிகர்களிடம் உரையாடிய மாளவிகா மோகனன் அவர்களது பல கேள்விகளுக்கு பதில் அளித்தார். அப்போது ரசிகை ஒருவர். “அக்கா நீங்க எப்போ நடிப்பு பயிற்சி வகுப்புக்கு போக போறீங்க ?” என்று அவரது நடிப்பை கிண்டலடிக்கும் விதமாக ஒரு கேள்வியை எழுப்பினார்.

அதற்கு பதில் அளித்த மாளவிகா மோகனன், “நீ எப்போது ஏதோ ஒரு துறையில் ஒரு பொறுப்பான ஆளாக மாறுகிறாயோ அந்த நாளில் நான் நடிப்பு பயிற்சிக்குப் போவேன். அப்போது என்னிடம் இதே கேள்வியை கேள்” என்று கொஞ்சம் காட்டமாகவே பதில் அளித்துள்ளார்.

ஒருவரது நடிப்பை குறை சொல்லுமாறு நேரடியாகவே விமர்சிப்பதும் அதை ஏற்றுக்கொள்ள முடியாமல் கேள்வி கேட்டவரிடம் கோபமாக மாளவிகா மோகனன் பதில் கூறியதும் என இரண்டு பேரின் கேள்வி பதில்களுமே தவறானவை என்று நெட்டிசன்கள் பலரும் தங்களது கருத்தை வெளிப்படுத்தி வருகின்றனர்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்