Dinamalar

சர்வதேச விருது பட்டியலில் சண்டை இயக்குனர் அனல் அரசு

உலக சினிமாவுக்கான ஒட்டுமொத்த விருதாக ஆஸ்கர் இருந்தபோது பாடல்களுக்கு என்று கிராமி விருது தனியாக உள்ளது. அனிமேஷன் படங்களுக்கென்று தனி விருது உள்ளது. நடனத்திற்கு தனி விருது உள்ளது. அதுபோன்று சண்டை பயிற்சிக்கான சர்வதே விருது 'டாரஸ் வேர்ல்ட் ஸ்டண்ட் அவார்ட்ஸ்' விருது. இதில் பெரும்பாலும் ஹாலிவுட் சண்டை கலைஞர்களே போட்டியிடுவார்கள். அவர்களே வெற்றியும் பெறுவார்கள்.

இந்த ஆண்டுக்கான விருது பட்டியிலில் ஜான்விக் சாப்டர் 4, மிஷன் : இம்பாசிபிள்-டெட் ரெக்கனிங், எக்ஸ்ட்ராக்ஷன் 2, பேல்லரினா போன்ற படங்களுடன் 'ஜவான்' திரைப்படமும் தேர்ந்தெடுக்கப்பட்டுள்ளது. இந்த படத்திற்கு சண்டை காட்சிகளை வடிவமைத்திருப்பவர் தமிழகத்தை சேர்ந்த அனல் அரசு.

தென்னிந்தியாவின் முன்னணி சண்டைப் பயிற்சி இயக்குனர்களில் ஒருவர் 'அனல்'அரசு. தமிழ், தெலுங்கு, மலையாளம், ஹிந்தி மொழிகளில் முன்னணி கதாநாயகர்களின் படங்களுக்கு சண்டைப் பயிற்சி இயக்குனராக பணியாற்றியுள்ளார். தமிழில் சிங்கம், சிங்கம்-2, கத்தி, மெர்சல், பிகில் உள்பட பல படங்களில் பணியாற்றியவர். தற்போது இந்தியன்-2 போன்ற படங்களில் பணியாற்றி வருகிறார். அதேப்போல மலையாளத்தில் உருமி, காம்ரேட் இன் அமெரிக்கா, ஷைலாக் மற்றும் தெலுங்கில் மிர்ச்சி, ஸ்ரீமந்துடு, ஜனதா கேரேஜ் போன்ற படங்களில் பணியாற்றியுள்ளார். ஹிந்தியில் ரவுடி ரத்தோர், தபாங்-2, தபாங்-3, சுல்தான், ரேஸ்-3, 'ஜவான்' படங்களிலும் பணியாற்றி உள்ளார்.

தற்போது விஜய் சேதுபதியின் மகனான சூர்யாவை கதாநாயகனாக அறிமுகப்படுத்துவதோடு, இயக்குனராக அறிமுகமாகிறார்.

• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...

• 
  பிரபுவுக்கு ஜோடியாக மஞ்சு வாரியர் நடித்து ஒரு பாடல் படப்பிடிப்புடன் ...
• 
  ‛அஞ்சான்' ரீ ரிலீஸில் வெற்றி பெற்றால் அஞ்சான் 2 உருவாகும் : லிங்குசாமி
• 
  மீண்டும் ரஜினியுடன் இணைந்த விஜய் சேதுபதி?
• 
  ஆண் ஆதிக்கம் இருப்பது கசப்பான உண்மை : கீர்த்தி சுரேஷ்
• 
  'ஆண் பாவம் பொல்லாதது'..... முதல் பட்டியலில் நீளும் ஓடிடி ரிலீஸ்...!