மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
லோகேஷ் கனகராஜ் இயக்கத்தில் ரஜினி நடிக்கும் 171வது படம் பற்றிய தகவல்கள் கடந்த சில நாட்களாக வெளியாகி வருகின்றன. அப்படத்தில் சத்யராஜ், ஸ்ருதிஹாசன் ஆகியோர் நடிக்கப் போவதாகத் தகவல் வெளியானது. அதுபோல தெலுங்கு நடிகரான நாகார்ஜுனாவும் நடிக்கப் போகிறார் என டோலிவுட் வட்டாரங்கள் தெரிவிக்கின்றன.
நாகார்ஜுனா தமிழில் கடைசியாக 2016ல் வெளிவந்த 'தோழா' படத்தில் நடித்திருந்தார். தற்போது தெலுங்கு இயக்குனர் சேகர் கம்முலா இயக்கத்தில் தனுஷ் நடிக்கும் 'குபேரா' படத்தில் முக்கிய கதாபாத்திரம் ஒன்றில் நடித்து வருகிறார். தெலுங்கில் வேறு எந்த புதிய படத்திலும் நடிக்காத நாகார்ஜுனா அடுத்த படமாக மீண்டும் ஒரு தமிழ்ப் படம், அதுவும் ரஜினிகாந்த் நடிக்கும் படம் என்பது ஆச்சரியமான தகவல்.
தெலுங்கில் முன்னணி நடிகராக இருந்தாலும் 30 வருடங்களுக்கு முன்பே தமிழில் டப்பிங் படங்களான 'உதயம், இதயத்தைத் திருடாதே' ஆகிய படங்களின் மூலம் சூப்பர் ஹிட்களைக் கொடுத்தவர் நாகார்ஜுனா என்பது இன்றைய இளம் ரசிகர்களுக்குத் தெரிந்திருக்க வாய்ப்பில்லை.
ரஜினி 171வது படம் 'ஜெயிலர், வேட்டையன்' படங்களைப் போலவே மற்ற மொழி நடிகர்கள் நடிக்க மல்டிஸ்டார் படமாக உருவாகும் எனத் தெரிகிறது. விரைவில் இதற்கான அறிவிப்புகள் வெளியாகலாம்.