Dinamalar

தக் லைப் : ஜெயம் ரவிக்கு பதிலாக நிவின்பாலி?

பொன்னியின் செல்வன் படத்தை தொடர்ந்து இயக்குனர் மணிரத்னம், கமல் நடிக்கும் தக் லைப் என்கிற படத்தை இயக்கி வருகிறார். நாயகன் படத்திற்கு பிறகு கிட்டத்தட்ட 35 வருடங்கள் கழித்து இவர்கள் இருவரும் இணையும் படம் இது. இந்த படத்தில் திரிஷா கதாநாயகியாக நடிக்கிறார். முக்கிய வேடங்களில் துல்கர் சல்மான், ஜெயம் ரவி ஆகியோர் நடிக்கிறார்கள் என்று அறிவிக்கப்பட்டது. ஆனால் கால்சீட் பிரச்சினை காரணமாக சமீபத்தில் நடிகர் துல்கர் சல்மான் இந்த படத்தில் இருந்து வெளியேறியதாக சொல்லப்பட்டது.

இதேபோன்றுதான் தற்போது ஜெயம் ரவியும் இந்த படத்தில் இருந்து விலகிக் கொண்டதாக இன்னொரு தகவலும் கசிந்துள்ளது. இவர்கள் இருவருமே ஏற்கனவே மணிரத்னத்தின் இயக்கத்தில் நடித்து புகழ் பெற்றவர்கள் தான். இந்த நிலையில் துல்கர் சல்மான் கதாபாத்திரத்தில் நடிப்பதற்காக சிம்பு இணைந்துள்ளதாக தகவல் வெளியானது. இப்போது ஜெயம் ரவி கதாபாத்திரத்தின் நடிப்பதற்காக நடிகர் நிவின்பாலியும் இந்த படத்தில் இணைய உள்ளார் என்கிற புதிய தகவலும் வெளியாகி உள்ளது.

சிம்புவும் ஏற்கனவே மணிரத்னம் படத்தில் நடித்தவர் என்பதாலும் தற்போது கமல் தயாரிப்பில் உருவாகி வரும் படத்தில் அவர் நடித்து வருவதாலும் தக் லைப் படத்திற்கு ஏற்றவாறு அவரது தேதிகளை பயன்படுத்திக் கொள்ளலாம் என கமல், மணிரத்தினம் சார்பில் முடிவு செய்யப்பட்டுள்ளதாகவும் சொல்லப்படுகிறது.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு
• 
  விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' ...
• 
  பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி'
• 
  சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்!
• 
  தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை ...