Dinamalar

ஏன் இவ்வளவு ஆர்வம்? - திருமண செய்தி குறித்து டாப்ஸி

தமிழில் 'ஆடுகளம்' படம் அறிமுகமான டாப்ஸி, தெலுங்கு, ஹிந்தியிலும் பிரபலமான நடிகை. சமீபத்தில் வெளிவந்த 'டங்கி' படத்தில் ஷாரூக் ஜோடியாகவும் நடித்திருந்தார். அவரது நீண்ட நாள் நண்பரான மத்தியாஸ் போ-வை இந்த மாதம் திருமணம் செய்து கொள்ள உள்ளார் என்று செய்திகள் வெளிவந்தன.

அது குறித்து சமீபத்திய பேட்டி ஒன்றில் சில கருத்துக்களைத் தெரிவித்துள்ளார். “இப்போது வதந்திகளை ஆரம்பிப்பது அர்த்தமற்றது. இப்போது இதை யூகமாக வெளியிடும் நீங்கள், பத்து வருடங்களுக்கு முன்பு இந்த மனிதரை 'டேட்டிங்' செய்ய ஆரம்பித்த போதே வெளியிட்டிருக்க வேண்டும். நான் எப்போது திருமணம் செய்து கொண்டாலும் அவராக மட்டுமே இருக்க வேண்டும். ஆனால், எதற்காக இவ்வளவு ஆர்வம் என்பது எனக்குப் புரியவில்லை.

நீங்கள் இதை இப்படியே விட்டால், சரியான நேரத்தில் செய்தியை பகிர்வேன். ஏதாவது சொல்ல வேண்டும் என்று விரும்பினால் செய்வேன். நான் எதையும் தவறாகவோ, சட்ட விரோதமாகவே செய்யவில்லை. நான் சிங்கிள், நான் திருமணம் செய்து கொள்வேன் என அவர்கள் எதிர்பார்க்கவில்லையா அல்லது வேறு ஏதாவதா?. நான் எனது உறவுகளைப் பொறுத்தவரையில் நேர்மையாக இருக்கிறேன், நான் எதையும் மறைக்கவில்லை. எனவே, அது நடக்கும் போது உங்களுக்கும் தெரிய வரும். மக்கள் எனது நடிப்பை நேசிக்கிறார்கள், ஆனால், எனது தனிப்பட்ட வாழ்க்கையைப் பற்றி விவரிக்க வேண்டும் என நான் விரும்பவில்லை,” என்று பேசியிருக்கிறார்.

• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்
• 
  'பிக் பாஸ்' ஹிந்தி, சீசன் 19 ஆரம்பம்

• 
  சமுத்திரக்கனி, கவுதம் மேனனின் ‛கார்மேனி செல்வம்'
• 
  ஷாலினி பிறந்தநாளுக்கு ரீ ரிலீஸ் ஆகும் ‛அமர்க்களம்'
• 
  ஷரிதா ராவ் நடிக்கும் புதிய படம்
• 
  நல்லகண்ணுவை சந்தித்து நலம் விசாரித்த சிவகார்த்திகேயன்
• 
  நிவேதா பெத்துராஜுக்கு திருமணம்