Dinamalar

'லியோ' தெலுங்கு : இரண்டாவது நாளில் பாதியாகக் குறைந்த வசூல்

லோகேஷ் கனகராஜ் இயக்கத்தில் விஜய் நடித்த 'லியோ' படம் தமிழில் மட்டுமல்லாது, தெலுங்கு, ஹிந்தி, கன்னடம் ஆகிய மொழிகளிலும் டப்பிங் ஆகி வெளியானது.

தெலுங்கில் வழக்கத்தை விட அதிகமான தியேட்டர்களில் இப்படம் வெளியானது. முதல் நாளில் 16 கோடி வசூலித்ததாக அதிகாரப்பூர்வமாக அறிவித்தார்கள். சற்று முன் இரண்டாவது நாள் வசூலையும் சேர்த்து இரண்டு நாளில் 24 கோடி வசூலித்துள்ளதாக அறிவித்துள்ளார்கள். முதல் நாள் வசூலை விடவும் இரண்டாவது நாள் வசூல் பாதியாகக் குறைந்துள்ளது.

இருப்பினும் நேரடித் தெலுங்குப் படங்களான 'பகவந்த் கேசரி, டைகர் நாகேஸ்வரராஜ்' ஆகிய படங்களுடன் போட்டியிட்டு இன்று மூன்றாவது நாளிலும் குறிப்பிடும்படியான முன்பதிவு நடந்துள்ளதாகச் சொல்கிறார்கள்.

தெலுங்கு உரிமையாக இப்படம் 20 கோடிக்கு பேசப்பட்டு 16 கோடிக்கு விற்கப்பட்டதாகத் தகவல் வெளியானது. 24 கோடி மொத்த வசூலில் நிகரத் தொகையாக 12 கோடிக்கும் அதிகமாக வந்திருக்கும். இன்று அல்லது நாளைக்குள் இப்படம் லாபக் கணக்கைத் துவங்கிவிடும் என்கிறார்கள்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  ஹீரோவாக மாறும் காமெடியன் ரவி மரியா: ஹீரோயின் தேடும் பணி தீவிரம்
• 
  ஜனநாயகன் முதல் காட்சி டிக்கெட் விலை எவ்வளவு : இதுதான் கோலிவுட்டில் ஹாட் ...
• 
  சரஸ்வதி பட படப்பிடிப்பை நிறைவு செய்த வரலட்சுமி
• 
  ஊட்டுகுளங்கரா பகவதி கோவிலில் அஜித் வழிபாடு
• 
  கண்ணீரை வரவழைத்தது : சிறை படத்தை பாராட்டிய இயக்குனர் ஷங்கர்