Dinamalar

போலா சங்கர் புரமோஷன் நிகழ்ச்சியை வேண்டுமென்றே தவிர்த்தாரா தமன்னா?

வரும் ஆகஸ்ட் 10ஆம் தேதி ரஜினிகாந்த் நடித்துள்ள ஜெயிலர் திரைப்படமும் ஆகஸ்ட் 11ஆம் தேதி தெலுங்கில் சிரஞ்சீவி நடித்துள்ள போலா சங்கர் திரைப்படமும் அடுத்தடுத்த நாட்களில் வெளியாகின்றன. இந்த இரண்டு படங்களிலுமே நடிகை தமன்னா தான் கதாநாயகியாக நடித்துள்ளார். இந்த நிலையில் ஜெயிலர் படத்தின் இசை வெளியீட்டு விழா நிகழ்ச்சியில் தமன்னா கலந்து கொண்டதுடன் ஏற்கனவே சூப்பர் ஹிட்டாகி காவாலா பாடலுக்கு மேடையில் நடனமும் ஆடினார்.

அதே சமயம் சமீபத்தில் நடைபெற்ற போலா சங்கர் படத்தின் இசை வெளியீட்டு விழாவில் தமன்னா கலந்து கொள்ளவில்லை. அந்த படத்தில் இன்னொரு நாயகியாக சிரஞ்சீவியின் தங்கையாக நடித்துள்ள கீர்த்தி சுரேஷ் மட்டுமே கலந்து கொண்டார். தமிழில் அஜித் நடித்த வேதாளம் படத்தின் ரீமேக்காக உருவாகியுள்ள இந்த படத்தில் ஸ்ருதிஹாசன் நடித்த கதாபாத்திரத்தில் தான் தமன்னா நடித்துள்ளார்,

கதைப்படி படத்தில் தமன்னாவின் கதாபாத்திரத்தை விட முக்கியத்துவமாகவும் அதிக நேரம் வரும் விதமாகவும் கீர்த்தி சுரேஷின் கதாபாத்திரம் தான் இடம்பெற்றுள்ளது. அதனால் தான் இந்த படத்தின் இசை வெளியீட்டு விழாவில் தமன்னா கலந்து கொள்ளவில்லை என்று சில செய்திகள் வெளியாகின. ஆனால் அடுத்தடுத்து குழுவாக இணைந்து அளிக்கும் பேட்டிகளில் எல்லாம் சிரஞ்சீவி, கீர்த்தி சுரேஷ் உடன் தமன்னாவும் கலந்து கொண்டு வருகிறார். இதன்மூலம் தன் மீது கூறப்பட்ட வதந்தியை உடைத்துள்ளார் தமன்னா.

• 
  சுவர் ஏறி குதித்து குழந்தையை காப்பாற்றிய திஷா பதானியின் தங்கை : குவியும் ...
• 
  18வது திருமண நாளில் 'பேமிலி' புகைப்படத்தைப் பகிர்ந்த ஐஸ்வர்யா ராய்
• 
  புஷ்பா 2, ஸ்த்ரீ 2-க்குப் பிறகு சாதனை வசூலில் 'சாவா'
• 
  இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!
• 
  ஊர்மிளாவுக்கு 50 வயது மாதிரியா தெரிகிறது… !!

• 
  கார்த்திக் சுப்பராஜ், சிவகார்த்திகேயன் புதிய கூட்டணி
• 
  தமன்னாவை ஏமாற்றிய ஒடேலா- 2!
• 
  சமூக வலைதளங்களில் இருந்து மீண்டும் பிரேக் எடுத்த லோகேஷ் கனகராஜ்
• 
  மனைவிகிட்ட சண்டை போட்டுக்கிட்டே இருந்தா வெளியில போய் ஜெயிக்க முடியாது! ...
• 
  டி.ராஜேந்தரின் பாடலை தழுவி உருவாக்கப்பட்ட சூர்யாவின் ரெட்ரோ பட பாடல்!