Dinamalar

'நாயகுடு Vs மகாவீருடு' - தெலுங்கு ரசிகர்களைக் கவரப் போவது யார் ?

தமிழ் சினிமாவின் இரண்டு படங்கள் வரும் வாரம் ஜுலை 14ம் தேதி தெலுங்கில் நேரடியாக மோதிக் கொள்ள உள்ளன. மாரி செல்வராஜ் இயக்கத்தில், ஏஆர் ரகுமான் இசையமைப்பில், உதயநிதி ஸ்டாலின், வடிவேலு, பகத் பாசில், கீர்த்தி சுரேஷ் மற்றும் பலர் நடித்து கடந்த வாரம் வெளிவந்த 'மாமன்னன்' படம் தெலுங்கில் 'நாயகுடு' என்ற பெயரில் வெளியாக உள்ளது. இதே பெயரில் மணிரத்னம் இயக்கத்தில், இளையராஜா இசையமைப்பில், கமல்ஹாசன், சரண்யா நடித்த 'நாயகன்' படம் 1987ம் ஆண்டு வெளிவந்தது. அதே பெயரை 'மாமன்னன்' படத்தின் தெலுங்கு பதிப்பிற்காக வைத்துள்ளார்கள்.

மடோன் அஷ்வின் இயக்கத்தில், சிவகார்த்திகேயன், அதிதி, மிஷ்கின், சரிதா மற்றும் பலர் நடித்துள்ள 'மாவீரன்' படம் ஜுலை 14ம் தேதி வெளியாக உள்ளது. தமிழில் வெளியாகும் அதே தினத்தில் தெலுங்கில் இப்படத்தை 'மகாவீருடு' என்ற பெயரில் வெளியிடுகிறார்கள். 'மாவீரன்' என்ற பெயரில் ரஜினிகாந்த் நடிக்க 1986ம் ஆண்டில் ஒரு படம் வெளிவந்தது. ராஜசேகர் இயக்கத்தில் இளையராஜா இசையமைத்த அந்தப் படம் ஹிந்தியில் வெளியான 'மர்த்' படத்தின் ரீமேக். ஆனால், 'மர்த்' ஹிந்திப் படம் மாபெரும் வெற்றியைப் பெற்றது.

பழைய தமிழ்ப் பட பெயரை வைத்து 'மாவீரன்' படம் தமிழிலும், பழைய தெலுங்குப் பட பெயரை வைத்து 'மாமன்னன்' படம் தெலுங்கிலும் வெளியாகிறது. இரண்டு படங்களில் எந்தப் படத்தை தெலுங்கு ரசிகர்கள் ஏற்றுக் கொள்வார்கள் என்பதற்கு சில நாட்கள் காத்திருக்க வேண்டும்.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  சரோஜாதேவி மறைவு: முதல்வர், திரைப்பிரபலங்கள் இரங்கல்
• 
  சிவாஜிகணேசன் - சரோஜா தேவி இணைந்த நடித்த படங்கள்
• 
  எம்ஜிஆர் - சரோஜா தேவி இணைந்து நடித்த 26 படங்கள்
• 
  சூப்பர் குட் பிலிம்ஸ் 99வது தயாரிப்பில் விஷால்
• 
  'தாமரை நெஞ்சம்' ஒரு படம் போதுமே: பாலசந்தர் அளித்த பதில்