Dinamalar

பரபரப்பை ஏற்படுத்தும் கமல், விஜய்… காத்திருக்கும் ரஜினி ரசிகர்கள்

பத்திரிகைகள், இணையதளங்கள், டிவி சேனல்கள், சமூக வலைத்தளங்கள் என கடந்த சில பல நாட்களாகவே கமல்ஹாசன், விஜய் ஆகியோர்தான் செய்திகளில் அதிகம் இடம் பெற்று வருகிறார்கள். கமல்ஹாசன் நடித்த 'வேட்டையாடு விளையாடு' படத்தின் ரீ--ரிலீஸ், 'புராஜக்ட் கே' படத்தில் கமல்ஹாசன் இணைந்தது, விஜய்யின் கல்வி உதவி வழங்கும் விழா, அவரது பிறந்தநாள் கொண்டாட்டம், 'லியோ' படத்தின் முதல் சிங்கிள் 'நா ரெடி' என கமல், விஜய் இருவரும் சமூக வலைத்தளங்களிலும் அடிக்கடி டிரென்டிங்கில் வந்து போகிறார்கள்.

கமல்ஹாசன் இணைந்துள்ள 'புராஜக்ட் கே' படம் அடுத்த ஆண்டு ஜனவரி மாதம்தான் வரப் போகிறது, விஜய் நடித்து வரும் 'லியோ' படம் அக்டோபர் 19ம் தேதிதான் வெளியாகப் போகிறது. ஆனால், ஆகஸ்ட் 10ம் தேதி வெளியாவதாக அறிவிக்கப்பட்டுள்ள ரஜினிகாந்த் நடிக்கும் 'ஜெயிலர்' படத்திற்கு இன்னம் எந்தவிதமான பெரிய அப்டேட்டும் வெளியாகாமல் இருப்பது ரஜினி ரசிகர்களை கவலையடைய வைத்துள்ளது. படம் வெளியாக இன்னும் 45 நாட்களே உள்ள நிலையில் முதல் சிங்கிள், அல்லது டீசர் கூட எதுவும் வரவில்லையே என காத்திருக்கிறார்கள்.

இத்தனைக்கும் 'ஜெயிலர்' படத்தில் ரஜினிகாந்த் தவிர கன்னட நடிகர் சிவராஜ்குமார், மலையாள நடிகர் மோகன்லால், ஹிந்தி நடிகர் ஜாக்கி ஷெராப், தெலுங்கு நடிகர் சுனில், ரம்யா கிருஷ்ணன், தமன்னா என பெரிய நட்சத்திரக் கூட்டமே நடிக்கிறது. பான் இந்தியா படமாக பரபரப்பை ஏற்படுத்த வேண்டிய படத்தின் அப்டேட் வந்தால்தான் கமல், விஜய் ரசிகர்களைப் போல ரஜினி ரசிகர்களும் கொண்டாட முடியும்.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  உருவக்கேலி விவகாரம் : கயாடு லோஹர் கொடுத்த விளக்கம்
• 
  அடி வாங்க தயாரா : குஷ்பு கோபம்
• 
  காந்தா படத்தின் முதல் நாள் வசூல் விவரம் : அதிகாரப்பூர்வ அறிவிப்பு
• 
  ரஜினி படத்திலிருந்து சுந்தர் சி விலகல் ஏன் : கமல் சொன்ன பதில்
• 
  சித்தார்த், ராஷி கண்ணா இணையயும் 'ரெளடி அண்ட் கோ'