போதையில் நடிகர் கார் மோதி வாலிபர் உயிரிழப்பு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

09 ஜூன், 2023 - 12:48 IST

எழுத்தின் அளவு:

Teen-killed-in-drugged-actor's-car-collision

கே.கே.,நகர் சென்னை, மதுரவாயல், தனலட்சுமி ஆறாவது தெருவைச் சேர்ந்தவர் சரண்ராஜ், 29. இவர், நேற்று முன்தினம் இரவு, 'ஹோண்டா சைன்' ரக இருசக்கர வாகனத்தில், வடபழநி - ஆற்காடு சாலையில் சென்றார். செந்தில் ஏஜன்சி அருகே சென்ற போது, சாலிகிராமம், எம்.சி., அவென்யூவைச் சேர்ந்த சினிமா துணை நடிகர் பழனியப்பன், 41, தன் நண்பர் துரைராஜ் என்பவருடன், காரில் அதே பகுதியில் வந்துள்ளார்.

அப்போது, பழனியப்பன் குடி போதையில் ஓட்டி வந்த கார், சரண்ராஜின் இரு சக்கர வாகனத்தின் பின்னால், பயங்கரமாக மோதியுள்ளது. இதில் துாக்கி வீசப்பட்ட சரண்ராஜ், தலையில் பலத்த காயமடைந்து, சம்பவ இடத்திலேயே பலியானார்.

தகவலின்படி, கிண்டி போக்குவரத்து புலனாய்வு பிரிவு போலீசார் வந்து, சரண்ராஜ் உடலை கைப்பற்றி, ராயப்பேட்டை அரசு மருத்துவமனைக்கு அனுப்பினர். பழனியப்பன் மீது வழக்கு பதிந்து கைது செய்த போலீசார், காரை பறிமுதல் செய்தனர்.

சரண்ராஜூம் துணை நடிகராக உள்ளார். இவரும் பழனியப்பனும் நண்பர்கள் என்றும் கூறப்படுகிறது. இது விபத்தா அல்லது கொலையா என்கிற கோணத்திலும் போலீசார் விசாரணை மேற்கொண்டு வருகின்றனர்.

caraccident

junioractor

dead

கருத்துகள் (0) கருத்தைப் பதிவு செய்ய

இறுதிக்கட்டத்தை எட்டிய அர்ஜுன் - ...

பொய் புகார் : பிரான்ஸ் பெண் மீது அறம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய