Dinamalar

திருப்பதியில்தான் எனது திருமணம் - பிரபாஸ்

'பாகுபலி' நாயகன் பிரபாஸ் நடித்து அடுத்த வாரம் ஜுன் 16ம் தேதி வெளிவர உள்ள படம் 'ஆதிபுருஷ்'. ராமாயணத்தைத் தழுவி மோஷன் கேப்சரிங் முறையில் எடுக்கப்பட்டுள்ள இப்படம் ஐந்து மொழிகளில் வெளியாகிறது. இப்படத்தின் வெளியீட்டிற்கு முந்தைய நிகழ்வு நேற்று ஆந்திர மாநிலம் திருப்பதியில் நடைபெற்றது. விழாவில் படத்தில் ராவணன் கதாபாத்திரத்தில் நடித்துள்ள சைப் அலிகான் தவிர மற்றவர்கள் கலந்து கொண்டனர். இயக்குனர் ஓம் ராவத், பிரபாஸ், கிரித்தி சனோன் உள்ளிட்டவர்கள் நிகழ்ச்சியில் பேசினார்கள்.

பிரபாஸ் பேச ஆரம்பித்த பின் ரசிகர்கள் அவரிடம் திருமணம் பற்றி கூச்சல் எழுப்பி கேள்வி கேட்டனர். அதற்கு சிரித்துக் கொண்டே 'இங்கு திருப்பதியில்தான் எனது திருமணம் நடக்கும்,” என பதிலளித்தார். 'பாகுபலி' படத்தில் நடித்த போது பிரபாஸுக்கும், அனுஷ்காவுக்கும் காதல் என்று கிசுகிசு பரவியது. அது அவர் 'ஆதிபுருஷ்' படத்தில் நடிக்கும் வரையிலும் அவ்வப்போது வந்து போனது.

'ஆதிபுருஷ்' படத்தில் நடிக்க ஆரம்பித்த பிறகு இப்படத்தில் கதாநாயகியாக நடிக்கும் கிரித்தி சனோன், பிரபாஸ் காதலிக்கிறார்கள் என்று கிசுகிசு பரவ ஆரம்பித்தது. 43 வயதான பிரபாஸ் இன்னமும் திருமணம் செய்து கொள்ளாமல் இருக்கிறார். நேற்றைய அறிவிப்பின் மூலம் பிரபாஸ் விரைவில் திருமணம் செய்து கொள்வார் என அவரது ரசிகர்கள் எதிர்பார்க்கிறார்கள். மணப்பெண் நடிகையா என்பதன் சஸ்பென்ஸ்தான் நீடிக்கிறது.

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்
• 
  அஜித்தை வைத்து ஆக்ஷன் படம் இயக்க லோகேஷ் கனகராஜ் ஆசை
• 
  ராஷ்மிகாவின் மைசா படப்பிடிப்பு பூஜையுடன் தொடங்கியது