Dinamalar

'ஆர்ஆர்ஆர்' படத்தின் வில்லன் ரே ஸ்டீவன்சன் மறைவு

ராஜமௌலி இயக்கத்தில் கடந்த வருடம் வெளிவந்த 'ஆர்ஆர்ஆர்' படத்தில் வில்லனாக நடித்தவர் ரே ஸ்டீவன்சன். அவர் ஞாயிறன்று மரணமடைந்ததாக அவர் சார்பாக தெரிவிக்கப்பட்டுள்ளது, அவருக்கு வயது 58.

அயர்லாந்து நாட்டிலுள்ள லிஸ்பர்ன் என்ற ஊரில் 1964ம் ஆண்டு பிறந்தவர் ரே. பிரிஸ்டல் ஓர்டு விக் தியேட்டர் பள்ளியில் நடிப்பைப் பயின்ற பிறகு பிரிட்டிஷ் டெலிவிஷனில் வேலை பார்த்தவர். 1998ல் வெளிவந்த 'த தியேரி ஆப் பிளைட்' படத்தில் அறிமுகமானார்.

மார்வெல் ஸ்டுடியோஸ் நிறுவனத்தின் 'தோர்' படத்தின் மூன்று பாகங்களில் வோல்ஸ்டாக் கதாபாத்திரத்தில் நடித்தவர். 'ஆர்ஆர்ஆர்' படத்தில் பிரிட்டிஷ் கவர்னர் ஸ்காட் பக்ஸ்டன் கதாபாத்திரத்தில் நடித்திருந்தார். அவருடைய வில்லத்தன நடிப்பிற்கும் ரசிகர்களிடம் வரவேற்பு கிடைத்தது.

அவரது மறைவு குறித்து இயக்குனர் ராஜமௌலி, அதிர்ச்சி… “இந்த செய்தியை நம்ப முடியவில்லை. செட்டில் எங்களுக்கு மிகுந்த ஆற்றலையும், துடிப்பையும் கொண்டு வந்தவர். அது அனைவருக்கும் பரவிய ஒன்று. அவருடன் பணிபுரிந்தது முழு மகிழ்ச்சியாக இருந்தது. அவருடைய குடும்பத்தினருக்கு எனது பிரார்த்தனைகள். அவருடைய ஆன்மா அமைதியடையட்டும்,” எனக் குறிப்பிட்டுள்ளார்.

• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...

• 
  சூர்யவம்சம் 2ம் பாகம் உருவாகிறது?
• 
  தமிழில் அறிமுகமாகும் ராப் பாடகர் வேடன்
• 
  உடலை வருத்தும் சிம்பு
• 
  தனுஷ் பிறந்தநாளில் புதுப்பொலிவுடன் ரீ-ரிலீஸ் ஆகும் ‛புதுப்பேட்டை'
• 
  ஸ்டன்ட் காட்சியில் ஒருவர் உயிரிழப்பு : இயக்குனர் பா.ரஞ்சித் மீது வழக்கு ...