மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
லியோ படத்தை அடுத்து விஜய் நடிக்கும் 68வது படத்தை இயக்குபவர்கள் பட்டியலில் அட்லீ, கார்த்திக் சுப்பராஜ், கோபிசந்த் மாலினேனி ஆகிய இயக்குனர்களின் பெயர்கள் வெளியாகி வந்த நிலையில், தற்போது அது அனைத்தும் வதந்திகள், விஜய்யின் 68வது படத்தை வெங்கட் பிரபு தான் இயக்குகிறார் என்பது போன்று இன்னொரு செய்தி பரபரப்பாக வெளியாகி இருக்கிறது. இந்த படத்தை ஏஜிஎஸ் பிலிம்ஸ் தயாரிப்பதாகவும் கூறப்படுகிறது. வெங்கட் பிரபு இயக்கும் படங்கள் என்றாலே யுவன் சங்கர் ராஜா தானே இசையமைப்பார் என்பதால் விஜய் 68- வது படத்துக்கு அவரே இசையமைப்பார் என்ற செய்திகளும் வெளியாகி வந்தன. ஆனால் தற்போது அதற்கு வாய்ப்பில்லை.
வாரிசு படத்திற்கு பிறகு விஜய் தெலுங்கு ரசிகர்களுக்கும் பரீட்சயமான நடிகராகி விட்டதால் தமிழ், தெலுங்கு என இரண்டு மொழிகளிலும் பிரபலமாக இருக்கும் ஒருவரைதான் இந்த படத்திற்கு இசையமைக்க வைக்க முடிவு செய்யப்பட்டுள்ளது. அந்த வகையில் தற்போது லியோ படத்துக்கு இசையமைத்து வரும் அனிருத்தே, விஜய் 68வது படத்திற்கும் இசையமைப்பார் என்று கூறப்படுகிறது. அந்த வகையில் விஜய்யை வெங்கட் பிரபு இயக்கும் படத்தில் கூட யுவன் சங்கர் ராஜாவினால் இடம்பெற முடியாது நிலை ஏற்பட்டுள்ளது. ஆனால் இப்படி என்னதான் பரபரப்பான செய்திகள் வெளியானபோதும், விஜய்யை வெங்கட் பிரபு இயக்குவதாக வெளியாகி உள்ள செய்திகள் கூட அதிகாரப்பூர்வமாக அறிவிக்கப்படும்போதுதான் அது உறுதியாகும் என்பது குறிப்பிடத்தக்கது.