Dinamalar

பிரின்ஸ் படத்தின் தோல்வி எதிரொலி; சம்பளத்தை குறைத்த சிவகார்த்திகேயன்

தற்போது மடோன் அஸ்வின் இயக்கும் மாவீரன் என்ற படத்தில் நடித்து வருகிறார் சிவகார்த்திகேயன். இந்த படத்தில் அதிதி ஷங்கர் நாயகியாக நடித்து வருகிறார். இப்படத்தை அடுத்து கமல்ஹாசனின் ராஜ்கமல் பிலிம்ஸ் தயாரிப்பில் ராஜ்குமார் பெரியசாமி இயக்கும் படத்தில் நடிக்கிறார் சிவகார்த்திகேயன். அவருக்கு ஜோடியாக சாய் பல்லவி நடிக்கிறார்.

இதற்கிடையே தர்பார் படத்தைத் தொடர்ந்து ஏ.ஆர்.முருகதாஸ் இயக்கும் படத்திலும் நடிக்கப் போகிறார் சிவகார்த்திகேயன். அந்தப் படத்தை தான் இயக்குவதோடு தயாரிப்பதற்கும் திட்டமிட்டுள்ளார் ஏ.ஆர்.முருகதாஸ். இந்த நிலையில் கடைசியாக தான் நடித்து வெளியான பிரின்ஸ் படம் படுதோல்வி அடைந்ததால் ஏ.ஆர்.முருகதாஸ் தன்னை வைத்து தயாரித்து இயக்கும் படத்தில் நடிப்பதற்கு தனது சம்பளத்தில் ஐந்து கோடி ரூபாயை சிவகார்த்திகேயன் குறைத்திருப்பதாக தகவல்கள் வெளியாகியுள்ளன.

• செய்திகள்
• ஆல்பம்