Dinamalar

கர்நாடகாவில் தெலுங்குப் படங்களை மிஞ்சும் 'துணிவு, வாரிசு'

2023 பொங்கலுக்கு தமிழில் இரண்டு படங்கள், தெலுங்கில் மூன்று படங்கள் வெளியாகி உள்ளன. தமிழில் விஜய் நடித்த 'வாரிசு', அஜித் நடித்த 'துணிவு' ஆகிய படங்களும், தெலுங்கில், பாலகிருஷ்ணா நடித்த 'வீரசிம்ஹா ரெட்டி', சிரஞ்சீவி நடித்த 'வால்டர் வீரய்யா', சந்தோஷ் சோபன், பிரியா பவானி சங்கர் நடித்த 'கல்யாணம் கமனீயம்' ஆகிய படங்களும் வெளியாகி உள்ளன.

இந்தப் படங்கள் கர்நாடகாவிலும் பெரிய அளவில் வெளியிடப்பட்டுள்ளன. கர்நாடகத் தலைநகரான பெங்களூருவைப் பொறுத்தவரையில் நிறைய தமிழர்கள், தெலுங்கர்கள் உள்ளனர். அங்கு அதிக அளவில் தமிழ், தெலுங்குப் படங்கள் வெளியாகும். இந்த வருடப் பொங்கலுக்கு முன்னணி நடிகர்களின் படங்களுக்கு கடும் போட்டி நிலவி வருகிறது. இருப்பினும் தெலுங்கு படங்களைக் காட்டிலும் தமிழ்ப் படங்கள் அதிக வசூலைக் குவித்து வருகின்றன.

முதல் நாளை வசூலைப் பொறுத்தவரையில், 'வாரிசு' படம் முதலிடத்திலும், 'துணிவு' படம் இரண்டாம் இடத்திலும், தெலுங்குப் படங்களான 'வீரசிம்ஹா ரெட்டி, வால்டர் வீரய்யா' முறையே மூன்றாம் மற்றும் நான்காம் இடங்களையும் பிடித்துள்ளன.

'வாரிசு' படம் கடந்த மூன்று நாட்களில் 7 கோடி வரையிலும், 'துணிவு' படம் 6.75 கோடி வரையிலும் வசூலித்துள்ளதாகத் தகவல்கள் தெரிவிக்கின்றன. இவற்றில் 'துணிவு' படம் இன்றே தனது லாபக் கணக்கை ஆரம்பித்துவிடும் என்கிறார்கள். 'வாரிசு' படத்தின் லாபக் கணக்கு நாளை முதல் ஆரம்பமாக வாய்ப்புள்ளதாகச் சொல்கிறார்கள். ஆக, இரண்டு தமிழ்ப் படங்களுமே கர்நாடகாவில் லாபகரமான வசூலை அள்ளும் என்பதே தகவல்.

• 
  நான் இன்னமும் என்னை ஒரு நடிகராகவே கருதுகிறேன் : அமீர்கான்
• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'

• 
  22 ஆண்டு காத்திருப்பு : விஷ்ணு மஞ்சு நெகிழ்ச்சி
• 
  யாருக்கு யார் வில்லன்? மோகன்லால் மோகன்பாபு போட்டாபோட்டி
• 
  லண்டனில் கங்குலியுடன் சந்திப்பு ; பிரமித்து விலகாத நவ்யா நாயர்
• 
  'தி ராஜா சாப்' டீசர் : ஹிந்தி, தெலுங்கு பார்வைகளில் போட்டி
• 
  மைனா நந்தினியின் 'குட் டே'