Dinamalar

பூஜை புகைப்படங்களைக் கூட வெளியிடாத 'விஜய் 67' குழு

'மாஸ்டர்' படத்திற்குப் பிறகு இயக்குனர் லோகேஷ் கனகராஜ், விஜய் மீண்டும் இணையும் விஜய்யின் 67வது படத்தின் பூஜை நேற்று சென்னையில் நடைபெற்றுள்ளதாகத் தகவல்கள் வெளியானது. ஆனால், இதுவரையிலும் பூஜை புகைப்படங்களை படக்குழு வெளியிடவில்லை. அவ்வளவு ரகசியமாக அவற்றை வைக்க வேண்டிய அவசியம் என்னவென்று தெரியவில்லை.

விஜய்யின் 'வாரிசு' படம் வரும் பொங்கலுக்கு வெளியாக உள்ள நிலையில் விஜய்யின் அடுத்த பட அறிவிப்பைப் பற்றித் தெரிந்து கொள்ள அவரது ரசிகர்கள் மிகவும் ஆர்வத்துடன் உள்ளனர். 'வாரிசு' படத்தின் பூஜை சென்னையில் நடைபெற்ற அடுத்த சில மணி நேரங்களில் பூஜை புகைப்படங்களை வெளியிட்டனர்.

ஆனால், விஜய் 67 படத்தின் பூஜை புகைப்படங்கள் மற்றும் அதிகாரப்பூர்வ அறிவிப்பு ஆகியவற்றை பட நிறுவனமோ இயக்குனர் லோகேஷ், இதுவரை அறிவிக்காதது ஆச்சரியமாக உள்ளது. ரசிகர்களின் எதிர்பார்ப்பைப் பூர்த்தி செய்வதுதான் ஒரு நடிகரின் கடமை. தனக்கென பெரிய ரசிகர்கள் கூட்டத்தை வைத்திருக்கும் விஜய், அடுத்த பட விஷயத்தில் இவ்வளவு ரகசியம் காக்க வேண்டிய அவசியம் குறித்து சில தகவல்களும் வெளியாகி உள்ளன.

விஜய் 67 படம் சம்பந்தமான அதிகாரப்பூர்வமற்ற முறையில் எந்த ஒரு புகைப்படம் வெளியானாலும் அதை வெளியிடுபவர்களின் மீது நடவடிக்கை எடுக்க தனியாக ஒரு ஏஜென்சியை நியமித்துள்ளார்களாம். அதை பூஜையிலிருந்தே ஆரம்பித்துவிட்டதாகச் சொல்கிறார்கள்.

• 
  ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'
• 
  'எமர்ஜென்சி' விவகாரம் : கங்கனாவிற்கு நீதிமன்றம் நோட்டீஸ்
• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...

• 
  ராகவா லாரன்ஸிற்கு ஜோடியாக பிரியங்கா மோகன்
• 
  ''தமிழ் ஐசியூ.,வுல இருக்கு; எங்க போனாலும் தலைநிமிர்ந்து தமிழ்ல ...
• 
  நடிகைகளே பொறாமைப்பட்ட நாயகி சில்க் ஸ்மிதா
• 
  உறவுகளின் மேன்மையைச் சொல்கிறதா 'மெய்யழகன்' டிரைலர்
• 
  ரஜினியின் வேட்டையன் படத்தின் முக்கிய கதைக்கரு வெளியானது!