Dinamalar

காதலரின் முதல் திருமணத்தில் பங்கேற்ற ஹன்சிகா : வைரலாகும் வீடியோ

பாலிவுட்டில் குழந்தை நட்சத்திரமாக அறிமுகமாகி பிரபுதேவா இயக்கத்தில் எங்கேயும் காதல் படம் மூலமாக தமிழில் நுழைந்தவர் நடிகை ஹன்சிகா. கிட்டத்தட்ட 15 ஆண்டுகளாக தமிழ் திரையுலகில் பயணித்து வரும் ஹன்சிகா கடந்த சில ஆண்டுகளாக குறைந்த அளவிலான படங்களிலேயே நடித்து வருகிறார்.

இந்த நிலையில் திடீரென சோஹைல் கத்தூரியா என்கிற தொழிலதிபரை காதலிப்பதாக சமீபத்தில் பிரான்சில் உள்ள ஈபிள் டவர் முன்பாக நின்று காதலை வெளிப்படுத்தியதுடன், அந்த புகைப்படங்களையும் பகிர்ந்து கொண்டிருந்தார் ஹன்சிகா. ரசிகர்கள் மற்றும் திரையுலகை சேர்ந்தவர்கள் பலரும் அவருக்கு வாழ்த்துக்களை தெரிவித்து வருகின்றனர்.

இந்த நிலையில் ஹன்சிகா திருமணம் செய்ய இருப்பவர் இருக்கும் சோஹைல் கத்தூரியா ஏற்கனவே திருமணமானவர் என்றும், கடந்த 2016ல் அவருக்கும் ரிங்கி என்கிற பெண்ணுக்கும் திருமணம் நடந்த தகவலும், அதுகுறித்த வீடியோவும் தற்போது சோசியல் மீடியாவில் வெளியாகி உள்ளது. அதுமட்டுமல்ல அந்த திருமண நிகழ்வுகளில் சங்கீத் நிகழ்ச்சி உள்ளிட்ட சில நிகழ்வுகளில் ஹன்சிகாவும் பங்கேற்றுள்ளார். இந்த வீடியோ தற்போது வைரலாக பரவி வருகிறது.

இது குறித்து மேலும் வெளியாகியுள்ள தகவல்களின்படி சோஹைல் கத்தூரியாவும் ஹன்சிகாவும் துணி ஏற்றுமதி வியாபாரத்தில் பார்ட்னர்களாக இருந்துள்ளனர். சோஹைல் கத்தூரியா தனது முதல் மனைவியுடன் இருந்து பிரிந்த பின்னர் இவர்களுக்குள் இருந்த நட்பு, காதலாக மாறியது என்றும் டிசம்பர் 3ஆம் தேதி இவர்களது திருமணம் நடைபெற இருக்கிறது என்றும் சொல்லப்படுகிறது.

• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது
• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்

• 
  மோகன் ராஜா இயக்கத்தில் சிம்பு?
• 
  பிரேம் குமார் இயக்கத்தில் விக்ரம்?
• 
  ஷாருக்கானை வைத்து அலைபாயுதே திட்டம்! - மணிரத்னம்
• 
  கலாம் கதையை படமாக்குவது சவால்: இயக்குனர் ஓம் ராவத்
• 
  ‛‛கமல் ஒரு ஏணி; அவரை மதித்து மேலே செல்வேன், மிதித்து அல்ல'': சிம்பு