Dinamalar

'பெடியா' - ஓநாய் மனிதனாக நடிக்கும் வருண் தவான்

பாலிவுட் நடிகர் வருண் தவான், கீர்த்தி சனோன் நடித்துள்ள படம் 'பெடியா'. இந்தி, தமிழ் மற்றும் தெலுங்கு ஆகிய மொழிகளில் வெளியாகிறது. ஜியோ ஸ்டூடியோஸ் தயாரித்துள்ளது. ஹாலிவுட்டில் ஓநாய் மனிதர்களை பற்றி நிறைய படங்கள் வந்திருக்கிறது. ஓநாயால் கடிபட்ட ஒருவன் அந்த ஓநாயின் குணங்களைப் பெற்று வெறி கொண்டு திரிவான். அவனிடம் கடிபடும் அத்தனை பேரும் அதே போன்று ஆகிவிடுவார்கள். இதுதான் ஓநாய் மனிதர்களின் டெம்பிளேட் கதை. இந்த படத்திலும் அது மாதிரியான கதை தான். அருணாச்சலப் பிரதேசத்தில் உள்ள அடர்ந்து காடுளில் படமாக்கப்பட்டுள்ளது.

ஓநாய் மனிதனாக வருண் தவான் நடித்துள்ளார். அவருடன், கீர்த்தி, தீபக் தோப்ரியல் மற்றும் அபிஷேக் நடித்துள்ளனர். டாப் கன்: மேவ்ரிக், மோர்ட்டல் காம்பாட், காட்சிலா வெசஸ் காங், மற்றும் ஆட் அஸ்திரா ஆகிய படங்களுக்கு கிராபிக்ஸ் பணியாற்றிய எம்பிசி நிறுவனம் இந்த படத்தின் கிராபிக்ஸ் பணிகளை மேற்கொண்டுள்ளது.

படம் பற்றி இயக்குன் அமர் கவுசிக் கூறியதாவது : திரையரங்குளில் பார்த்து ரசிப்பதற்காக எடுக்கப்பட்ட படம் தான் பெடியா. இப்படம் ரசிகர்களை கட்டாயம் மகிழ்விக்கும் என்கிற நம்பிக்கை எனக்கு இருக்கிறது. குறைந்த காலத்தில் உலகத்தரம் வாய்ந்த ஒரு படத்தை தருவதற்காக எடுத்து கொண்ட முயற்சியே பெடியா. தரமான கிராபிக்ஸ் காட்சிகளோடு உருவாகியுள்ள இப்படத்தை குடும்பத்துடன் கொண்டாட்டமாக ரசிக்கலாம். அனைத்து தலைமுறையினரையும் கவரும் ஒரு சினிமா அனுபவமாக இது இருக்கும். காமெடி மற்றும் திகில் நிறைந்த, இந்தியாவின் முதல் ஓநாய் மனிதனின் படமாக இது உருவாகியுள்ளது. என்றார்.

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'