Dinamalar

தி லெஜன்ட் - அதிகாலை காட்சிகள், 5 மொழிகளில் வெளியீடு

'தி லெஜன்ட்' என்ற படத்தின் மூலம் சரவணா ஸ்டோர் உரிமையாளர் அருள் சரவணன் கதாநாயகனாக அறிமுகமாகிறார். தமிழ் சினிமா உலகில் ஐம்பது வயதுக்கும் மேற்பட்ட ஒரு நடிகர் கதாநாயகனாக அறிமுகமாவது இதுவே முதல் முறையாக இருக்கலாம். தமிழில் மட்டுமல்ல, ஹிந்தி, கன்னடம், மலையாளம், தெலுங்கு ஆகிய மொழிகளிலும் இப்படம் நாளை(ஜூலை 28) வெளியாகிறது.

பிரபல விளம்பரப் பட இயக்குனர்களும், அஜித் நடித்த 'உல்லாசம்' மற்றும் விக்ரமாதித்யா, ஷெரின், காயத்ரி ரகுராம் நடித்த 'விசில்' படத்தையும் இயக்கிய ஜேடி - ஜெர்ரி இப்படத்தை இயக்கியுள்ளார்கள். சுமார் 19 ஆண்டு கால இடைவெளிக்குப் பிறகு அவர்கள் இப்படத்தை இயக்கியுள்ளார்கள் என்பது குறிப்பிட வேண்டிய ஒன்று.

ஒரு ஆக்ஷன் படமாக உருவாகி இருக்கும் இந்தப் படத்திற்காக துபாய், மும்பை, ஐதராபாத் என பத்திரிகையாளர் சந்திப்புகளை நடத்தியுள்ளார் சரவணன். ஆனால், சென்னையில் மட்டும் நடத்தவில்லை. இசை வெளியீட்டுடன் நிறுத்திக் கொண்டார். மற்ற முன்னணி நடிகர்களின் படங்களைப் போல இப்படத்திற்கும் நாளை அதிகாலை 4 மணி காட்சி, 8 மணி காட்சி ஆகியவை நடக்கின்றன. இது தமிழ் திரையுலகத்தினரை ஆச்சரியத்திலும், அதிர்ச்சியிலும் ஆழ்த்தியுள்ளது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  புரமோஷன் நிகழ்ச்சிகளில் கலந்து கொள்வதை தவிர்க்கும் பஹத் பாசில் ; இன்னொரு ...
• 
  என் தந்தைக்கு ஏஐ குரல் வேண்டாம் ; எஸ்பிபி சரண் திட்டவட்டம்
• 
  சீனாவில் விஜய் சேதுபதியின் 'மகராஜா' ரிலீஸ் : சிவகார்த்திகேயன் வாழ்த்து
• 
  கோவாவில் திருமணம் : திருப்பதியில் கீர்த்தி சுரேஷ் பேட்டி
• 
  பொங்கலுக்கு 'விடாமுயற்சி' : வேறு படங்கள் வெளிவருமா?