புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! | புஷ்பா 2 படத்தில் டேவிட் வார்னர்? | கலகலப்பு 3ம் பாகத்தில் மீண்டும் விமல்? | லப்பர் பந்து இயக்குனரின் அடுத்த படத்தை தயாரிக்கும் தனுஷ் பட தயாரிப்பாளர்! | மெய்யழகன் படத்துடன் இணைந்த சர்தார் 2! | நேருக்கு நேர் மோதும் அஜித், சூர்யா படங்கள்! | படுகவர்ச்சியாக புகைப்படம் வெளியிட்ட ஜெனிபர் |
தெலுங்கு இயக்குனர் வெங்கி அட்லூரி இயக்கத்தில் தனுஷ் நடித்துவரும் படம் வாத்தி. தமிழ், தெலுங்கு என இரண்டு மொழிகளில் தயாராகும் இந்த படத்தில் சம்யுக்தா மேனன் நாயகியாக நடிக்கிறார். ஜிவி. பிரகாஷ் இசையமைக்கிறார். இந்நிலையில் ஜூலை 28ம் தேதியான நாளை தனுஷின் பிறந்த நாளை முன்னிட்டு மாலை 6:00 மணிக்கு வாத்தி படத்தின் டீசர் வெளியாக இருப்பதாக படக்குழு அதிகாரப்பூர்வமாக அறிவித்திருக்கிறது.
இந்த டீசரோடு வாத்தி படத்தின் ரிலீஸ் தேதியும் வெளியாகும் என்றும் எதிர்பார்க்கப்படுகிறது. தனுஷ் கொடுக்கும் இந்த பிறந்தநாள் ட்ரீட்டை வரவேற்க அவரது ரசிகர்கள் தயாராகிக் கொண்டிருக்கிறார்கள். இதனிடையே இன்று படத்தின் பர்ஸ்ட் லுக் போஸ்டரை வெளியிட்டுள்ளனர். தனுஷ் கல்லூரி விரிவுரையாளராக நடிக்கிறார்.
இயக்குனர் வெங்கி அட்லூரி கூறும்போது, “இந்த படத்தில் தனுஷ் ஒரு விரிவுரையாளராக நடிக்கிறார். தமிழ், தெலுங்கு என இரண்டு மொழிகளிலும் ஒரே நேரத்தில் தயாராகும் இந்த படம் கல்வி அமைப்பை மையப்படுத்தி உருவாகி உள்ளது. இந்த படத்தின் படப்பிடிப்பில் தனுஷின் உழைப்பும் அர்ப்பணிப்பும் உண்மையிலேயே நம்பமுடியாத ஒன்று. ஜி.வி பிரகாஷின் இசை யுவராஜின் ஒளிப்பதிவு இரண்டுமே இந்த படத்தின் மிக முக்கியமான அம்சங்களாக அமையும்” என்கிறார். ‛வாத்தி' படம் அக்டோபர் மாதம் ரிலீஸ் ஆக இருக்கிறது.