மீண்டும் எப்போது நடிக்க வருவார் காஜல் அகர்வால் ?

13 ஜூலை, 2022 - 10:51 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ், தெலுங்கு என இரு மொழிகளிலும் முன்னணி நடிகைகளில் ஒருவர் காஜல் அகர்வால். இரு மொழிகளிலும் பல முன்னணி கதாநாயகர்களின் ஜோடியாக பல வெற்றிப் படங்களில் நடித்துள்ளார். 2020ம் ஆண்டு கவும் கிச்லு என்பவரைத் திருமணம் செய்து கொண்டு, கடந்த ஏப்ரல் மாதம் ஒரு ஆண் குழந்தைக்கும் தாயானார். தற்போது தனது குழந்தையின் வளர்ப்பில் கவனம் செலுத்தி வருகிறார் காஜல்.

அவர் கர்ப்பமடைந்ததும் தெலுங்கில் நடித்து வந்த 'ஆச்சார்யா' படத்திலிருந்து நீக்கப்பட்டார். படம் வெளிவந்த போது அவர் நடித்த சில காட்சிகளையும் நீக்கிவிட்டார்கள். இருப்பினும் தமிழில் அவர் முன்னர் நடித்த 'ஹே சினாமிகா' படம் வெளிவந்தது. இந்த வருடத்தில் காஜல் அகர்வாலின் ஒரே படமாக அந்தப் படம்தான் அமையும் எனத் தெரிகிறது.

தற்போது தமிழில் 'இந்தியன் 2' படத்தில் ஏற்கெனவே நடித்து வந்தார் காஜல். அப்படத்தின் படப்பிடிப்பு கடந்த இரண்டு வருடங்களாக நடைபெறாமல் உள்ளது. அடுத்த சில மாதங்களில் படப்பிடிப்பு ஆரம்பமாகும் எனத் தெரிகிறது. இருப்பினும் காஜல் அகர்வாலே படத்தில் கதாநாயகியாக தொடர்வது சந்தேகம் என்கிறார்கள். அவருக்குப் பதிலாக வேறொரு கதாநாயகியைத் தேடி வருவதாகவும் சொல்கிறார்கள். அடுத்த சில மாதங்களுக்கு தனது குழந்தை வளர்ப்பில் மட்டுமே கவனம் செலுத்தி 2023ல்தான் புதிய படங்களில் நடிக்க காஜல் முன் வருவார் என்றும் தகவல் வெளியாகி உள்ளது.

Kajalaggarwal

கருத்துகள் (0) கருத்தைப் பதிவு செய்ய

இசை மேதைகளுடன் ஏ.ஆர்.ரஹ்மான்

பையனூரில் திரைப்பட தொழிலாளர் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய