மகனுக்கு அன்பு முத்தம் கொடுக்கும் நயன்தாரா! லைக்ஸ்களை அள்ளும் புகைப்படம்!! | பாடகி சுசித்ரா மீது கொச்சின் போலீசில் புகார்! | இன்ஸ்டா கணக்கை மீட்டெடுத்த ஜெயம் ரவி | திருவருள், மன்மதன், கொம்பன் - ஞாயிறு திரைப்படங்கள் | மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' |
அர்ஜூன் ரெட்டி படம் மூலம் தெலுங்கு மட்டுமல்லாது தென்னிந்திய சினிமா முழுக்க பிரபலமானவர் நடிகர் விஜய் தேவரகொண்டா. தற்போது இவரது நடிப்பில் லைகர் படம் உருவாகி வருகிறது. பூரி ஜெகன்நாத் இயக்கி, தயாரிக்க, அனன்யா பாண்டே நாயகியாக நடிக்கிறார். குத்துச் சண்டை தொடர்பான கதையில் இந்த படம் உருவாகி வருகிறது. இதில் பிரபல குத்துச்சண்டை வீரர் மைக் டைசனும் நடித்துள்ளார். படப்பிடிப்பு முடிந்து மற்ற பணிகள் நடைபெற்று வருகின்றன.
இந்நிலையில் இந்த படத்தில் இருந்து ஒரு போஸ்டரை வெளியிட்டுள்ளனர். அதில் உடலில் ஒட்டு துணி கூட இல்லாமல் ஒரு பூங்கொத்தை வைத்து மட்டும் மறைத்தபடி விஜய் தேவரகொண்டா உள்ளார். இந்த போஸ்டர் வெளியாகி அதிர்ச்சியையும், பரபரப்பையும் ஏற்படுத்தி உள்ளது.
ஹிந்தியில் சில ஆண்டுகளுக்கு முன் அமீர்கான் நடிப்பில் வெளியான பிகே படத்தின் போஸ்டர் ஒன்றும் இதே பாணியில் தான் வெளியானது. அப்போது அந்த போஸ்டருக்கு கடும் எதிர்ப்பும், விமர்சனங்களும் எழுந்தன. அதேபாணியில் இப்போது இந்த போஸ்டரை வெளியிட்டு மீண்டும் ஒரு சலசலப்பை ஏற்படுத்தி உள்ளனர்.