Dinamalar

வில் ஸ்மித் -- விஜய் : ஒப்பிட்டுப் பேசிய வெங்கட் பிரபு

தமிழ் சினிமா நடிகர்களை ஹாலிவுட் நடிகர்களுடன் ஒப்பிட்டுப் பேசுவது அவ்வப்போது நடக்கும். நடிகர் ரஜினிகாந்தை ஹாலிவுட் நடிகர் கிளின்ட் ஈஸ்ட்வுட் உடன் ஒப்பிட்டுப் பேசுவார்கள். நடிகர் அஜித்தை, ஹாலிவுட் நடிகர் ஜார்ஜ் குலுனியுடன் ஒப்பிட்டுப் பேசுவார் நடிகை குஷ்பு. ஹாலிவுட் நடிகர்கள், ஹாலிவுட் படங்கள் என்றாலே இங்கிருக்கும் சினிமா பிரபலங்களுக்கும் ஒரு ஈர்ப்பு உண்டு.

நடிகர் விஜய்யை இதுவரை யாரும் எந்த ஒரு ஹாலிவுட் நடிகருடன் ஒப்பிட்டுப் பேசியது இல்லை. முதல் முறையாக இயக்குனர் வெங்கட்பிரபு அப்படி பேசியிருக்கிறார். சமீபத்திய பேட்டி ஒன்றில் ஹாலிவுட் நடிகர் வில் ஸ்மித் உடன் விஜய்யை ஒப்பிட்டுப் பேசியிருக்கிறார்.

“எனக்குப் பிடிச்ச நடிகர் விஜய் சார். அவர் இப்ப எங்கேயோ போயிட்டாரு. எனக்குப் பிடிச்ச ஹாலிவுட் நடிகர் வில் ஸ்மித். எனக்கு வில் ஸ்மித் பண்றது எல்லாம் பார்க்கும் போது விஜய் சார் பண்ற மாதிரியே இருக்கும். ஒரு காலகட்டத்துல வந்து அப்படியே இருந்துச்சு. ஆக்ஷன், நகைச்சுவை கலந்து பண்றத பார்க்கும் போது வில் ஸ்மித் மாதிரி ஒரு படம் விஜய் சாரை வச்சி பண்ணனும்னு இருந்துச்சு. எனக்கு இன்னும் அந்த மாதிரி கதை இன்னும் அமையலை. ஆனால், ஒரு ஐடியா இருக்கு. அதை டெவலப் பண்ணி விஜய் சார் கிட்ட சொல்லணும்னு ஆசைதான்,” என்கிறார் வெங்கட்பிரபு.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  ரஜினி 173, கமல் 237, அஜித் 64, தனுஷ் 55 : பொங்கலுக்குள் அறிவிப்புகள் வருமா?
• 
  அடுத்தடுத்து மேனேஜர்களை நீக்கிய விஷால், ரவிமோகன்
• 
  100 மில்லியன் கடந்த சிரஞ்சீவி, நயன்தாரா பாடல்
• 
  போர்ச்சுக்கல் நாட்டிற்கு ஹனிமூன் சென்ற சமந்தா- ராஜ் நிடிமொரு!
• 
  காத்திருங்கள்: அஜித்தின் 'மங்காத்தா' விரைவில் ரீ ரிலீஸ்!