Dinamalar

நான்கு வருடங்களுக்குப் பிறகு வரும் விக்னேஷ் சிவன் படம்

தமிழ் சினிமாவில் இளம் இயக்குனர்கள் அதிகப் படங்களை இயக்குவதேயில்லை. ஒவ்வொரு படத்திற்கும் சில பல வருடங்களை இடைவெளியாக எடுத்துக் கொள்கிறார்கள். கடந்த இரண்டு வருடங்களாக கொரோனா வேறு வந்துவிட்டதால் பலருக்கும் அந்த இடைவெளி கூடுதலாகிவிட்டது.

சிலம்பரசன் நடித்த 'போடா போடி' படம் மூலம் இயக்குனராக அறிமுகமானவர் விக்னேஷ் சிவன். கடந்த பத்து வருடங்களில் மூன்றே மூன்று படங்களை மட்டுமே இயக்கியுள்ளார். 2015ல் வெளிவந்த 'நானும் ரவுடிதான்' படம் இயக்குனராக அவரைப் பற்றி அதிகம் பேச வைத்தது. அதற்குப் பிறகு நயன்தாராவின் காதலராக அதிகம் பேசப்பட்டது தனி கதை.

கடைசியாக சூர்யா நடித்த 'தானா சேர்ந்த கூட்டம்' படத்தை இயக்கினார். 2018ல் அப்படம் வெளிவந்தது. சுமார் நான்கு வருட இடைவெளிக்குப் பிறகு விக்னேஷ் சிவன் இயக்கியுள்ள 'காத்து வாக்குல ரெண்டு காதல்' படம் அடுத்த வாரம் ஏப்ரல் 28ம் தேதி வெளியாக உள்ளது. விஜய் சேதுபதி, நயன்தாரா, சமந்தா மற்றும் பலர் இப்படத்தில் நடித்துள்ளார்கள்.

வித்தியாசமான காதல் கதையாக இருக்கும் என்ற எதிர்பார்ப்பை ஏற்படுத்தியுள்ளது இந்தப் படம். இதற்குப் பிறகு அஜித் நடிக்கும் 62வது படத்தை இயக்க உள்ளார் விக்னேஷ் சிவன்.

• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது
• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்

• 
  கலாம் கதையை படமாக்குவது சவால்: இயக்குனர் ஓம் ராவத்
• 
  ‛‛கமல் ஒரு ஏணி; அவரை மதித்து மேலே செல்வேன், மிதித்து அல்ல'': சிம்பு
• 
  'கேம் சேஞ்ஜர்' அனுபவம் ஒரு 'பயங்கரம்' - விலகிய எடிட்டர் பேச்சு
• 
  பிளாஷ்பேக்: மலைக்க வைக்கும் 50வது ஆண்டில் “மயங்குகிறாள் ஒரு மாது”
• 
  ஜூன் மாதத்தில் ‛சர்தார் 2' படப்பிடிப்பு முடியும் ; மாளவிகா மோகனன்