Dinamalar

பழம்பெரும் தெலுங்கு பட தயாரிப்பாளர் நாராயண் தாஸ் நரங் காலமானார் - திரையுலகினர் இரங்கல்

தெலுங்கு சினிமாவில் 80களில் முன்னணி தயாரிப்பாளராகவும், பைனான்சியராகவும் இருந்தவர் நாராயண் தாஸ் நரங். தெலுங்கு திரைப்பட வர்த்தக சபை தலைவராகவும் பணியாற்றினார். ஏராளமான படங்களையும் தயாரித்துள்ளார்.

சமீபத்தில் நாக சைதன்யா, சாய் பல்லவி நடிப்பில் வெளியான லவ் ஸ்டோரி, நாக சௌர்யா நடித்த லக்ஷ்யா படங்களை தயாரித்திருந்தார் நாகார்ஜுனா மற்றும் காஜல் அகர்வால் நடிப்பில் தி கோஸ்ட் திரைப்படம் மற்றும் தனுஷ், சிவகார்த்திகேயன் தமிழ், தெலுங்கில் நடிக்கும் படம் ஆகியவற்றை தயாரித்து வந்தார். தற்போது தயாரிப்பு பணிகளை மகன் சுனில் நரங் கவனித்து வருகிறார்.

76 வயதான நாராயண் சினிமா மற்றும் தொழில்களில் இருந்து விலகி ஓய்வெடுத்து வந்தார். கடந்த சில மாதங்களாக மூச்சு திணறல் பிரச்சினையில் அவதிப்பட்டு வந்தார். இதனால் ஐதராபாத்தில் உள்ள தனியார் மருத்துவமனையில் அனுமதிக்கப்பட்டிருந்த நாராயண் தாஸ் நரங் நேற்று சிகிச்சை பலனின்றி காலமானார். அவரது மறைவுக்கு தெலுங்கு திரை பிரபலங்களான மகேஷ் பாபு, சிரஞ்சீவி, நாக சைதன்யா உள்ளிட்ட பலரும் இரங்கல் தெரிவித்து வருகின்றனர்.

நாராயண் தாஸ் மறைவுக்கு சிவகார்த்திகேயன் வெளியிட்டுள்ள இரங்கல் செய்தியில், எங்களின் அன்புக்குரிய தயாரிப்பாளர் ஸ்ரீ நாராயண் சிங் தாஸ் மரணமடைந்த தகவலை கேட்டு ஆழ்ந்த வருத்தமடைந்தேன். சுனில் நரங் சாருக்கும் அவரது குடும்பத்தினருக்கும் ஆழ்ந்த இரங்கல். அவரது ஆன்மா சாந்தியடையட்டும். என பதிவிட்டுள்ளார்.

• 
  என் பணியை சிறப்பாக செய்ய முயற்சிக்கிறேன் - கஜராஜ் ராவ்
• 
  'சாவா' : 2025ன் முதல் ரூ.500 கோடி படம்
• 
  20 ஆண்டுகளாக சம்பளம் வாங்காமல் நடித்து வரும் அமீர் கான்
• 
  நான் அவள் இல்லை ; டீப் பேக் வீடியோ குறித்து வித்யா பாலன் எச்சரிக்கை
• 
  நான் செல்ல வேண்டிய நேரம் வந்துவிட்டது : அமிதாப்பச்சனின் பதிவால் பரபரப்பு!

• 
  விஷ்ணு விஷாலுக்கு வில்லன் ஆன செல்வராகவன்!
• 
  அடுத்த மாதம் 'ஜெயிலர் 2' படப்பிடிப்பு துவங்குகிறது
• 
  நாகார்ஜூனா உடன் நடனமாடும் பூஜா ஹெக்டே!
• 
  பிளாஷ்பேக் : மோகன் கையில் மைக்கை கொடுத்த இயக்குனர்
• 
  பிளாஷ்பேக் : மறக்கடிக்கப்பட்ட மகா கலைஞன் கொத்தமங்கலம் சீனு