Dinamalar

அம்மன் வேடத்தில் பிந்து மாதவி

கே.ஆர்.விஜயா, ரம்யா கிருஷ்ணன், மீனா, சவுந்தர்யா உள்ளிட்ட பல நடிகைகள் அம்மன் வேடங்களில் நடித்து புகழ்பெற்றவர்கள். இவர்களுக்கு அம்மன் வேடமும் அழகாக பொருந்தும். அந்த வரிசையில் தற்போது பிந்து மாதவியும் நாகா என்ற படத்தில் அம்மன் வேடமணிந்து நடிக்கிறார்.

இதுபற்றிய விபரம் வருமாறு: எம்.எஸ்.மூவீஸ் பட நிறுவனம் தயாரிக்கும் புதிய படம் நாகா. இந்த படத்தில் பிந்து மாதவியும், ரைசா வில்சனும் நடிக்கிறார்கள். இவர்கள் தவிர ஶ்ரீகாந்த், கருணாகரன் உள்பட பலர் நடிக்கிறார்கள். விஷால் சந்திரசேகர் இசை அமைக்கிறார். எஸ்.ஆர்.சதீஷ்குமார் ஒளிப்பதிவு செய்கிறார். நஞ்சுபுரம், அழகு குட்டி செல்லம் படங்களை இயக்கிய சார்லஸ் இயக்குகிறார்.

படம் பற்றி சார்லஸ் கூறியதாவது: நீதித் துறையால் நெருங்கக்கூட முடியாத, பல்லாயிரம் பெண்களின் வாழ்வை அழித்த, அநீதியின் மொத்த உருவமாகத் திகழும் ஒரு தீயவனை, ஒரு பெண் தெய்வம், அவதாரமெடுத்து வந்து சம்ஹாரம் செய்து அழித்து ஒழிப்பதே படத்தின் கதை.

பிந்து மாதவி தீயவர்களை அழிக்கும் மானஸா தேவியாக நடிக்கிறார். ஸ்ரீகாந்த் தொல்லியல் ஆய்வாளராக நடிக்கிறார். கிராபிக்ஸ் காட்சிகள் மட்டும் 3 கோடி ரூபாய் பட்ஜெட்டில் உருவாகிறது. தமிழகத்தில் நாகர்கோவில் உட்பட பல ஊர்களில் இருக்கும் நாகராஜா கோவில்கள் மற்றும் நாகநாத சுவாமி கோவில்களில் படமாக்கப்படுகிறது. என்றார்.

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு

• 
  ராதிகா தாயார் மறைவு: நேரில் சென்று ஆறுதல் சொன்ன பாரதிராஜா
• 
  பிளாஷ்பேக்: தென்னிந்தியத் திரையுலகின் முதல் பெண் இயக்குநர் 'சினிமா ...
• 
  சென்னையில் நடந்த 80ஸ் நடிகர், நடிகைகள் ரீ யூனியன்
• 
  இட்லி கடை, காந்தாரா சாப்டர் 1 படங்களின் வசூல் நிலவரம் என்ன?
• 
  நயன்தாராவின் லேடி சூப்பர் ஸ்டார் பட்டத்தை கைப்பற்றிய ரச்சிதா ராம்