Dinamalar

'மாறன்' ரிலீஸ் : கண்டு கொள்ளாத தனுஷ்

கார்த்திக் நரேன் இயக்கத்தில், ஜிவி பிரகாஷ்குமார் இசையமைப்பில், தனுஷ், மாளவிகா மோகனன் மற்றும் பலர் நடித்துள்ள படம் 'மாறன்'. இப்படம் அடுத்த வாரம் மார்ச் 11ம் தேதி ஓடிடி தளத்தில் வெளியாக உள்ளது.

சில தினங்களுக்கு முன்புதான் இப்படத்தின் டிரைலர் யு டியுபில் வெளியிடப்பட்டது. அதற்கடுத்து தொடர்ந்து பல்வேறு விதமான பிரமோஷன்களை தயாரிப்பு நிறுவனமும், ஓடிடி நிறுவனமும் சமூக வலைத்தளங்களில் நடத்தி வருகின்றன.

ஆனால், படத்தின் நாயகனான தனுஷ் அவற்றிலிருந்து விலகியே இருக்கிறார். டுவிட்டர் தளத்தில் கடந்த ஜனவரி மாதம் 17ம் தேதி அவருடைய மனைவி ஐஸ்வர்யாவுடனான பிரிவு குறித்த அறிக்கைதான் அவரது கடைசி பதிவாக உள்ளது. இன்ஸ்டாகிராம் தளத்தில் தனது மகனுடன் எடுத்துக் கொண்ட புகைப்படத்தை இரண்டு வாரங்களுக்கு முன்பு அவர் பதிவிட்டதுதான் அதில் கடைசி பதிவு.

'மாறன்' படம் ஓடிடியில் வெளியாவதால் விலகி இருக்கிறாரா, அல்லது தனிப்பட்ட காரணங்களால் விலகி இருக்கிறாரா என்பது குறித்து திரையுலகினரும், தனுஷ் ரசிகர்களும் குழம்பி இருக்கிறார்கள். தனுஷ் நடித்த கடைசியாக வெளிவந்த தமிழ்ப் படமான 'ஜகமே தந்திரம்', ஹிந்திப் படமான 'அத்ராங்கி ரே', இரண்டுமே ஓடிடி வெளியீடுகள்தான் என்பது குறிப்பிட வேண்டிய ஒன்று. என்ன இருந்தாலும் 'மாறன்' படத்தின் நாயகனான அவர் பட வெளியீடு குறித்து எந்த ஒரு பதிவும் போடாதது பல கேள்விகளை எழுப்பியுள்ளது.

• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து

• 
  ஜன.3ல் 'பராசக்தி' பாடல் வெளியீட்டு விழா: அதிகாரப்பூர்வ அறிவிப்பு
• 
  ‛பருத்திவீரன்' புகழ் பாடகி லட்சுமி அம்மாள் காலமானார்
• 
  2026லாவது அஜித் படம் வருமா
• 
  அண்ணா சாலை இரும்பு பாலத்திற்கு சிவாஜி பெயர் : ரசிகர்கள் வேண்டுகோள்
• 
  ஜனவரி 16ல் ஜூலிக்கு திருமணம்: பல வருட காதலரை மணக்கிறார்