சண்டை காட்சியில் விஷால் காயம் : சிகிச்சைக்கு கேரளா செல்கிறார்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

12 பிப், 2022 - 11:13 IST

எழுத்தின் அளவு:

விஷாலுக்கும், சண்டைக்காட்சிக்கும் எப்போதுமே ஏழாம் பொருத்தம். சண்டை காட்சியில் காயம் ஏற்படுவது அவருக்கு அடிக்கடி நடக்கிறது. அவர் நடித்துள்ள வீரமே வாகை சூடும் படம் வெளியாகி தியேட்டரில் ஓடிக் கொண்டிருக்கும் சூழ்நிலையில் கடந்த 55 நாட்களுக்கும் மேலாக லத்தி படத்தில் நடித்து வருகிறார்.

படத்தின் கிளைமாக்ஸ் சண்டை காட்சி ஐதராபாத்தில் உள்ள ஒரு கட்டுமானம் நடந்து கொண்டிருக்கும் ஒரு கட்டடத்தில் நடந்தது. சண்டை இயக்குனர் பீட்டர் ஹெய்ன் சண்டை காட்சியை இயக்கினார். வில்லன்கள் துரத்தி வரும்போது விஷால் ஒரு கை குழந்தையுடன் கட்டடத்தில் இருந்து குதிப்பது மாதிரியான காட்சி படமாக்கப்பட்டது. அப்படி குதிக்கும்போது டைமிங் கோளாறு காரணமாக சுவரில் மோதி கையில் காயம் அடைந்தார். முதலுதவி சிகிச்சை எடுத்துக் கொண்டு தொடர்ந்து நடித்தார்.

ஒரு கட்டத்தில் அவரால் நடிக்க முடியாமல் போகவே படப்பிடிப்பு ரத்து செய்யப்பட்டது. மருத்துவ பரிசோதனையில் விஷாலுக்கு ரத்த காயத்தை விட உள்காயம் பெரிதாக ஏற்பட்டிருப்பது கண்டுபிடிக்கப்பட்டது. இதனால் ஒரு மாதத்திற்கு படப்பிடிப்பை தள்ளி வைப்பதாக தயாரிப்பாளர்களும், விஷாலின் நண்பர்களுமான ரமாணாவும், நந்தாவும் அறிவித்திருக்கிறார்கள். விஷால் சிகிச்சைக்காக கேரளா செல்வதாகவும் அறிவிக்கப்பட்டுள்ளது. அவர் குணமாகி வந்ததும் அடுத்த மாதம் படப்பிடிப்பை தொடர உள்ளனர்.

Vishal

Laththi

கருத்துகள் (0) கருத்தைப் பதிவு செய்ய

வலிமை : வைரலான அஜித் - வினோத் போட்டோ

தமிழில் வெளிவரும் மஹாவீர்யார்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய