ரஜினியை தொடர்ந்து ஜூனியர் என்டிஆரை இயக்கும் நெல்சன் | 23 ஆண்டுகளுக்குப் பிறகு மீண்டும் ஹரி இயக்கத்தில் நடிக்கும் பிரசாந்த் | பார்க்கிங் மோதல் விவகாரம் : தர்ஷனுக்கு ஆதரவாக குரல் கொடுத்த சனம் ஷெட்டி! | 'இட்லி கடை' தள்ளிப் போக இதுதான் காரணமா ? | பிருத்விராஜிற்கு வருமான வரித்துறை நோட்டீஸ் | எம்புரான் தயாரிப்பாளர் கோகுலம் நிறுவனத்தில் ரூ.1.5 கோடி பறிமுதல் | மலையாளத்தில் வசூல் நம்பர் 1 இடத்தைப் பிடித்த 'எல் 2 எம்புரான்' | சினிமா டிக்கெட் : உள்ளாட்சி கேளிக்கை வரி குறைக்க அரசு முடிவு ? | கூலி, இட்லி கடை - ஏட்டிக்குப் போட்டியான அறிவிப்பா? | ஆண்கள் மட்டும்தான் லுங்கி அணிய வேண்டுமா ? |
ஒரு நாள் இரவில் உள்ளிட்ட சில படங்களில் நடித்திருந்தாலும் தற்போது நடைபெற்று வரும் பிக்பாஸ் சீசன் 5 நிகழ்ச்சியில் கலந்து கொண்டதன் மூலம் அனைவருக்கும் நன்கு தெரிந்த முகமாக மாறியுள்ளார் நடிகர் வருண். கிட்டத்தட்ட 12 வாரங்கள் இந்த நிகழ்ச்சியில் தாக்குப் பிடித்த வருண் போட்டியாளர்களிடமும் ரசிகர்களிடமும் எந்தவிதமான கோபத்திற்கும் வெறுப்புக்கும் ஆளாகாமல் நல்ல பெயருடன் வெளியேறினார், சமீபத்தில் கடந்த வருட பிக் பாஸ் சீசன் 4 வெற்றியாளரான நடிகர் ஆரியை சந்தித்தார் வருண்.
இந்த நிலையில் தற்போது சென்னையில் கௌதம் மேனன் - சிம்பு கூட்டணியில் நடைபெற்று வரும் வெந்து தணிந்தது காடு படத்தின் படப்பிடிப்பு தளத்திற்கு விசிட் அடித்துள்ளார் வருண். சிம்புவுடன் வருண் எடுத்துக் கொண்ட புகைப்படம் ஒன்று சோசியல் மீடியாவில் வெளியாகி உள்ளது. மாநாடு படத்தின் வெற்றிக்காக வாழ்த்து தெரிவிப்பதற்கு தான் வருண் வந்திருந்தார் என்று சொல்லப்படுகிறது. அதேசமயம் கௌதம் மேனன் இயக்கத்தில் வருண் நடித்துள்ள ஜோஷ்வா படம் விரைவில் வெளியாக இருப்பதால் அது சம்பந்தமாகவும், மரியாதை நிமித்தமாகவும் அவரை சந்திக்க வருண் சென்றிருக்கலாம் என்றும் கூறப்படுகிறது.