Dinamalar

கொரோனா பரவல் - தள்ளிப்போனது 'ஆர்ஆர்ஆர்' ரிலீஸ்

ராஜமவுலி இயக்கத்தில் ஜூனியர் என்டிஆர், ராம் சரண் தேஜா, ஆலியா பட், அஜய் தேவ்கன், சமுத்திரகனி உள்ளிட்ட பலர் நடித்துள்ள பிரம்மாண்ட படம் ‛ஆர்ஆர்ஆர்'. பான் இந்திய படமாக உருவாகி உள்ள இந்த படம் ஜன.7ல் ரிலீஸாவதாக அறிவிக்கப்பட்டிருந்தது. இதற்காக கடந்த ஒரு மாதமாக ராஜமவுலி, ராம்சரண், ஜூனியர் என்டிஆர் உள்ளிட்ட படக்குழுவினர் ஐந்து மொழிகளில் புரமோஷன்களில் ஈடுபட்டு வருகின்றனர்.

தற்போது கொரோனா மூன்றாவது அலை ஒமிக்ரான் வடிவில் கொஞ்சம் கொஞ்சமாகப் பரவி வருகிறது. தமிழகம் உட்பட பல மாநிலங்களில் தியேட்டர்களில் 50 சதவீத இருக்கைகளுக்கு மட்டுமே அனுமதி என்று அறிவித்துவிட்டார்கள். அதனால், படங்களின் வசூல் பாதிக்கப்பட வாய்ப்புள்ளது. ஒரு பக்கம் ஒமிக்ரான் பரவல் வரும் வாரங்களில் இன்னும் அதிகமாக வாய்ப்புண்டு என்று சொல்லி வருகிறார்கள். அதன் காரணமாக மக்கள் தியேட்டர்கள் பக்கம் வரத் தயங்குவார்கள். எனவே இந்த படம் தள்ளிப்போவதாக காலை முதலே தகவல்கள் பரவி வந்தன.

இந்நிலையில் ஆர்ஆர்ஆர் படம் தள்ளி வைக்கப்படுவதாக தயாரிப்பு நிறுவனம் அறிவித்துள்ளது. ‛‛கொரோனா அச்சத்தால் விநியோகஸ்தர்கள் பலரும் வெளியீட்டை தள்ளி வைக்க கோரி வருகின்றனர். அனைத்து தரப்பினரின் நலன்களையும் மனதில் வைத்து, எங்கள் படத்தை தள்ளி வைக்க வேண்டிய கட்டாயத்தில் உள்ளோம். சரியான நேரத்தில் படத்தை வெளியிடுவோம். நிபந்தனையற்ற அன்பிற்காக அனைத்து ரசிகர்கள் மற்றும் பார்வையாளர்களுக்கு எங்கள் மனமார்ந்த நன்றி'' என தெரிவித்துள்ளனர்.

• 
  நடிகை ஷில்பா ஷெட்டியின் ரெஸ்டாரன்ட் நாளை மூடப்படுகிறது!
• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்
• 
  இயக்குனர் சஞ்சய் லீலா பன்சாலி மீது ராஜஸ்தானில் எப்ஐஆர் பதிவு
• 
  ரூ.581 கோடி வசூல் பெற்ற 'சாயரா'

• 
  நடிகர் வெண்ணிற ஆடை மூர்த்தி பேரன் மனஸ் மானு சினிமாவுக்கு வருகிறார்
• 
  சமந்தா வெளியிட்ட துபாய் பேஷன் ஷோ வீடியோவில் தெரிந்த ஆணின் கை!
• 
  வீர தீர சூரன்- 2 படத்திற்கு பிறகு மூன்று படங்களில் கமிட்டான விக்ரம்!
• 
  ஏஐ தொழில்நுட்பத்தை பயன்படுத்துவது புத்திசாலித்தனம்! இயக்குனர் லோகேஷ் ...
• 
  6 வருடங்களில் 6 படம்: ஷிவாத்மிகாவுக்கு கை கொடுக்குமா 'பாம்'