Dinamalar

கார்த்திக் நரேன் இயக்கத்தில் இரண்டு வேடங்களில் ரகுமான்

தமிழில் 2016ம் ஆண்டு வெளியான துருவங்கள் பதினாறு என்ற படத்தின் மூலம் இயக்குனராக அறிமுகமானவர் கார்த்திக் நரேன். இந்த படத்தில் ரகுமான் நாயகனாக நடித்திருந்தார். அதன்பிறகு மாபியா, நரகாசுரன் படங்களை இயக்கிய கார்த்திக் நரேன், தற்போது தனுஷ் நடிப்பில் மாறன் என்ற படத்தை இயக்கி வருகிறார்.

இதையடுத்து டிசம்பர் மாதம் முதல் தனது புதிய படத்தை தொடங்கப் போகிறார். அந்த படத்தில் தனது முதல் பட நாயகனான ரகுமான் மற்றும் அதர்வா ஆகியோரை நடிக்க வைக்கிறார் கார்த்திக் நரேன். அதோடு, அப்படத்தில் ரகுமான் இரண்டு வேடங்களில் நடிப்பதாக கூறப்படுகிறது. அந்த இரண்டில் ஒரு வேடம் வில்லன் வேடம் என்றும் ஒரு செய்தி கசிந்துள்ளது.

• இவரை பற்றி
• செய்திகள்