Dinamalar

'அண்ணாத்த' பாடல்கள் வரவேற்பு எப்படி?

யு டியூப் வருவதற்கு முன்பு ஒரு படத்தின் பாடல்களுக்கு எப்படிப்பட்ட வரவேற்பு கிடைத்தது என்பதை அந்தப் படங்களின் கேசட், சிடி-க்கள் ஆகியவற்றின் விற்பனையை வைத்துத்தான் கணக்கிடுவார்கள்.

யூ டியூப் வந்த பிறகு அதில் ஒரு பாடலுக்குக் கிடைக்கும் பார்வைகளைப் பொறுத்தே அப்பாடலின் வரவேற்பு கணக்கில் எடுத்துக் கொள்ளப்படுகிறது. கூடுதலாக, 'எப்-எம்' ரேடியோக்களில் அப்பாடல் எத்தனை முறை ஒலிபரப்பப்படுகிறது என்பதையும் வைத்து கணக்கில் கொள்ளலாம்.

ரஜினிகாந்த் நடிக்கும் படம் ஒன்றிற்கு முதல் முறையாக இமான் இசையமைத்துள்ள 'அண்ணாத்த' படத்தின் இசை வெளியீடு முழுமையாக நடக்காமல் வாரத்திற்கு ஒன்றாக நடந்து வருகிறது.

இரண்டு வாரங்களுக்கு முன்பு படத்தின் முதல் சிங்கிளாக எஸ்பி பாலசுப்ரமணியம், ரஜினிகாந்திற்காகக் கடைசியாகப் பாடிய 'அண்ணாத்த...அண்ணாத்த...' என்ற பாடல் யு டியுபில் வெளியிடப்பட்டது. இரண்டு வாரங்களுக்குள்ளாக இப்பாடலுக்கு 91 லட்சம் பார்வைகள் கிடைத்துள்ளது.

அதற்கடுத்து பத்து நாட்களுக்கு முன்பு ரஜினிகாந்த், நயன்தாரா நடிக்கும் டூயட் பாடலான 'சாரல்..சாரல் காற்றே...' என்ற பாடல் வெளியானது. மெலடி பாடலான இப்பாடலை 60 லட்சம் பார்வைகளைக் கடந்துள்ளது.

சில தினங்களுக்கு முன்பு 'மருதாணி...' என்ற பாடல் வெளியானது. ரஜினிகாந்த் தங்கையான கீர்த்தி சுரேஷுக்கு ஏதோ ஒரு விசேஷம் நடக்கும் போது இடம் பெறும் பாடல் எனத் தெரிகிறது. குஷ்பு, மீனாவும் இப்பாட்டில் இருக்கிறார்கள். மூன்று நாட்களில் இப்பாடல் 33 லட்சம் பார்வைகளைக் கடந்துள்ளது.

விஜய், அஜித் படங்களின் பாடல்கள் என்றால் இந்நேரம் 1 கோடி பார்வைகளைக் கடந்து போயிருக்க வாய்ப்புண்டு. இருந்தாலும் அவர்களது காலத்தில் ரஜினி படப் பாடல்களும் இந்த அளவிற்கு பார்வைகளைப் பெறுவது ஆச்சரியம்தான்.

'அண்ணாத்த' நவம்பர் 4ம் தேதி தியேட்டர்களில் வெளியாகிறது.

• 
  ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'
• 
  'எமர்ஜென்சி' விவகாரம் : கங்கனாவிற்கு நீதிமன்றம் நோட்டீஸ்
• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...

• 
  'சத்யா' காட்சியைப் பகிர்ந்து கவியூர் பொன்னம்மாவுக்கு கமல்ஹாசன் ...
• 
  160 படங்களைக் கடந்த 2024 ரிலீஸ், 6 படங்கள் மட்டுமே 100 கோடி வசூல்
• 
  சிம்பு நடிக்க இருந்த படத்தில் ரஜினியா?
• 
  மகனுக்கு அன்பு முத்தம் கொடுக்கும் நயன்தாரா! லைக்ஸ்களை அள்ளும் ...
• 
  பாடகி சுசித்ரா மீது கொச்சின் போலீசில் புகார்!