அமெரிக்க தியேட்டர்களைப் பிடிக்கும் அண்ணாத்த

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

அமெரிக்க தியேட்டர்களைப் பிடிக்கும் 'அண்ணாத்த'

20 அக், 2021 - 08:41 IST

எழுத்தின் அளவு:

சிவா இயக்கத்தில், இமான் இசையமைப்பில், ரஜினிகாந்த், நயன்தாரா, கீர்த்தி சுரேஷ், குஷ்பு, மீனா மற்றும் பலர் நடிக்கும் படம் 'அண்ணாத்த'. இப்படத்தின் டீசர், மூன்று பாடல்கள் வெளியாகி ரஜினி ரசிகர்களைத் திருப்திப்படுத்தியுள்ளது.

படத்தின் இசை வெளியீட்டு விழா நடைபெறுமா என்பது குறித்து தகவல் இல்லை. கொரோனா கட்டுப்பாடுகள் இருப்பதால் விழாவை பிரம்மாண்டமாக நடத்த முடியாது என்பதால், பாடல்களை ஒன்றன்பின் ஒன்றாக யு டியூபில் வெளியிட உள்ளார்கள் என்றும் தெரிகிறது.

இதனிடையே, நவம்பர் 4ம் தேதி வெளியாகும் இப்படத்திற்காக அமெரிக்காவில் உள்ள தியேட்டர்களை ஒப்பந்தம் செய்யும் பணி மும்முரமாக நடந்து வருகிறது. படத்தின் பிரிமீயர் காட்சியை அமெரிக்காவில் நவம்பர் 3ம் தேதியே நடத்த உள்ளார்களாம். இதுவரை 50க்கும் மேற்பட்ட தியேட்டர்களை உறுதி செய்துள்ளனர்.

அமெரிக்காவில் மட்டும் 300 தியேட்டர்கள் வரை படத்தைத் திரையிட தியேட்டர்களைப் பிடித்து வருகிறார்களாம். ரஜினி நடித்து கடைசியாக கடந்த வருட ஜனவரியில் 'தர்பார்' படம் வெளிவந்தது. அப்படம் ரசிகர்களைத் திருப்திப்படுத்தவில்லை.

சுமார் 22 மாதங்களுக்குப் பிறகு ரஜினிகாந்த் படம் என்பதால் 'அண்ணாத்த' படத்திற்கு அதிக வரவேற்பு இருக்கும் என எதிர்பார்க்கிறார்கள்.

Annaatthe

Rajinikanth

கருத்துகள் (0) கருத்தைப் பதிவு செய்ய

ரூ.50 கோடி வசூலைக் கடந்த 'டாக்டர்'

சிம்புவுக்கு கொலை மிரட்டல் : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய