Dinamalar

அண்ணாத்த' டீசர்- 'விஸ்வாசம்' இரண்டாம் பாகமா, ரசிகர்கள் கிண்டல்

சிவா இயக்கத்தில், இமான் இசையமைப்பில், ரஜினிகாந்த், நயன்தாரா, கீர்த்தி சுரேஷ், குஷ்பு, மீனா மற்றும் பலர் நடிக்கும் படம் 'அண்ணாத்த'. இப்படத்தின் டீசரை நேற்று யு டியுபில் வெளியிட்டார்கள்.

டீசரைப் பார்த்த பலரும் இது என்ன 'விஸ்வாசம்' படத்தின் இரண்டாம் பாகமா என கிண்டலடிக்க ஆரம்பித்தனர். அந்த அளவிற்கு இரண்டு படங்களுக்கும் வித்தியாசமில்லை என்று சொல்லும் அளவிற்கு டீசர் இருப்பதாக பெரும்பான்மையான ரசிகர்கள் கருத்து தெரிவித்துள்ளார்கள்.

ஒரு சிலர் ஒரு படி மேலே போய், 'விஸ்வாசம்' படக் காட்சிகளையும், 'அண்ணாத்த' டீசர் காட்சிகளையும் புகைப்படங்களாக இணைத்து எங்கே வித்தியாசம் உள்ளது என மீம்ஸ்களையும் தெறிக்க விட்டுள்ளனர்.

'விஸ்வாசம்' படத்தில் 50 வயது அஜித் 70 வயது தாத்தா போல வெள்ளை முடி, தாடியுடன் இருப்பார். 'அண்ணாத்த' படத்தில் 70 வயது ரஜினிகாந்த் 50 வயது மனிதர் போல கருப்பு முடி, தாடியுடன் இருக்கிறார். இது மட்டும்தான் வித்தியாசம் என்றும் சிலர் கமெண்ட் செய்துள்ளனர்.

விமர்சனம், கமெண்ட், கருத்து ஆகியவை பலவாறாக இருந்தாலும் 'அண்ணாத்த' டீசர் 43 லட்சம் பார்வைகளைக் கடந்து, யு டியூப் டிரென்டிங்கில் முதலிடத்தில் உள்ளது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்