Dinamalar

5 நாளில் 50 கோடி வசூலை தொட்ட மார்கோ

மலையாள திரையுலகில் இந்த வருடம் வெளியான பல படங்கள் 50 கோடி முதல் 200 கோடி என்கிற மிகப்பெரிய வசூல் இலக்கை கூட தொட்டு ஆச்சரியப்படுத்தின. இத்தனைக்கும் பெரிய நடிகர்களின் படங்கள் ஒரு சில தான் இந்த சாதனையை தொட்டன. ஆனால் சிறிய பட்ஜெட்டில் உருவான பல படங்கள் ரசிகர்களின் வரவேற்பை பெற்று வசூல் மழையில் நனைந்தன. ஆனால் அப்படி வசூலை அள்ளிய பிரேமலு, மஞ்சும்மேல் பாய்ஸ் உள்ளிட்ட படங்கள் எல்லாம் ரசிகர்களின் உணர்வுகளை மென்மையாக வருடி வெற்றி பெற்ற படங்களாக தான் இருந்தன. அதேசமயம் இந்த வருட இறுதியில் கடந்த வாரம் நடிகர் உன்னி முகுந்தன் நடிப்பில் வெளியான மார்கோ திரைப்படம் ஐந்தே நாளில் உலக அளவில் 50 கோடி வசூலித்து ஆச்சரியப்படுத்தியுள்ளது.

இத்தனைக்கும் இந்த படம் அதிகபட்ச வன்முறை காட்சிகளுடன் வெளியாகி உள்ளது. பெண்கள் மற்றும் குடும்பமாக வந்து பார்க்கும் கூட்டம் குறைவு என்றாலும் இந்த படத்தின் ஆக்சன் காட்சிகளும் படத்தின் விறுவிறுப்பும் இளைஞர்களை அதிக அளவில் ஈர்த்துள்ளது. மேலும் தற்போது மோகன்லால் இயக்கி நடித்துள்ள பரோஸ் திரைப்படம் வெளியாகியும் கூட மார்கோ படத்திற்கு குறைவில்லாத கூட்டம் வந்து கொண்டிருப்பதாக விநியோகஸ்தர்கள் தரப்பில் இருந்து ஆச்சரியமாக சொல்லப்படுகிறது.

• 
  மோகன்லாலுக்கு மலையாளத்தில் வாழ்த்து தெரிவித்த அமிதாப்பச்சன்
• 
  'லடாக்' படப்பிடிப்பில் சல்மான்கானின் காயம் ; படப்பிடிப்பு தற்காலிக ...
• 
  பத்மஸ்ரீ விருதை விட சல்மான்கான் படத்தை இயக்கியது தான் பெரிய சாதனை ; ...
• 
  யாருக்கோ... ஏதோ சொல்கிறார் தீபிகா படுகோனே…
• 
  2026 ஆஸ்கர் - இந்தியா சார்பில் தேர்வான 'ஹோம்பவுண்ட்'

• 
  மூணாறு படப்பிடிப்பில் நடிகர் ஜோஜூ ஜார்ஜ் ஜீப் விபத்தில் காயம்
• 
  அமெரிக்க பிரீமியரில் பவன் கல்யாணின் ஓஜி படம் செய்த சாதனை!
• 
  பவன் கல்யாண் படத்திற்கு சலுகைகளை அள்ளி வழங்கிய ஆந்திர அரசு
• 
  பிரபாஸ், ஜுனியர் என்டிஆர் வரிசையில் 'மிராய்' நாயகன் தேஜா சஜ்ஜா
• 
  பொதுவெளியில் விவாதத்தை ஏற்படுத்திய பிக்பாஸ் நிகழ்ச்சியில் மோகன்லால் ...